YESAYA 12:6 - KITTA' MATANGKASA'

⁶ Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 12:6 ပူးပေါင်းရင်းမြစ်များ

PAMMUJI 132:14

Nakana, “Anrinnimi pammantangangKu sa'genna satunggu-tungguna, erokKa' ammarenta ri anne tampaka.

PAMMUJI 135:21

Pujimi Batara ri Sion, ri Yerusalem, tampa' pammantanganNa. Pujimi Batara!

PAMMUJI 46:5

Nia' lo'lorang je'ne' binanga ampakarannui KotaNa Allata'ala, tampa' pammantanganNa Allata'ala Kaminang Tinggia.

PAMMUJI 68:16

Moncong Basan Iami moncong heba', moncong jaia coppo'na.

PAMMUJI 71:22

Erokka' mammuji mae ri Katte siagang gambusu', saba' tamamminrayaKi', o, Allata'alaku. Erokka' akkelong lagu pammuji mae ri Katte siagang kacapi, o, Allata'alana Israel matangkasaka.

PAMMUJI 89:18

Kisarei ikambe pammetang lompo, lanri kabajikanTaji bawang nammeta ikambe.

PAMMUJI 9:11

Tau mangngassenga ri Katte manrannuangi ri Katte, o Batara, tu manynyombaya ri Katte tena naKibokoi.

PAMMUJI 99:2

Tamaka makoasaNa Batara ri Sion; malompoi irateanganna sikontu bansaya.

YESAYA 1:24

Lanri kammana anjo Nakanamo Batara Kaminang Koasaya, Allata'alana Israel: “He, musu-musungKu, la'balasakA' mae ri kau, sa'genna tenamo nanususaiA' pole.

YESAYA 10:24

Nakana Batara Kaminang Makoasaya mae ri umma'Na ammantanga ri Sion, “Teako mallakki mae ri tu Asyur, manna pole najallakkangko siagang nasessako ke'nanga kamma nagaukanga tu Mesir riolo.

YESAYA 24:14

Sikamma tau salamaka lakkelong rannui. Tau niaka ri bageang ilau' lanakabarrangi kalompoanNa Batara,

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 30:19

He, ikau niaka ammantang ri Yerusalem, tena nutulusu' langngarru'. Mangngamaseangi Batara, siagang lalintaki appiali ri kau punna akkiokko appala' tulung ri Ia.

YESAYA 33:21

LaNapappicinikangi Batara kala'biranNa mae ri katte. Lattallasakki' ri biring binanga luaraka, tenaya nakkulle nasombali musua.

YESAYA 33:24

Manna sitau ri pa'rasanganta tania' lakkunrareng lanri garring, siagang sikontu dosana lanipammopporang ngasengi.

YESAYA 40:9

Naikko ri moncong tinggia, pa'la'bangi kabara' bajika mae ri Yerusalem! Akkiokko, pilompoi sa'rannu, pa'la'bangi kabara' bajika mae ri Sion! Paui mae ri kota-kotana Yehuda angkana labattui Allata'alana ke'nanga!

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YESAYA 54:1

O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

YESAYA 60:16

Laniparakaiko ri bansa-bansaya siagang sikamma karaenga, rapang sitau amma' amparakai ana'na. Nanuassemmo angkana iNakke Batara, Mappasalama'nu, angkanaya Allata'alana Israel makassaka allappassangko.

YESAYA 8:18

Annemi inakke siagang ana'-ana' Napassareanga Batara mae ri nakke. Batara Kaminang Makoasaya ammarenta ri Bulu' Sion, ansuroi ikambe battu a'jari pammatei mae ri umma' Israel.

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

YEHEZKIEL 35:10

Nupaui angkanaya baji' Yehuda kammayatompa Israel siagang buttana massing ikau pata, siagang angkanaya lanupatangi manna pole naiNakke, Batara, Allata'alana ke'nanga.

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

YEHEZKIEL 48:8

Bageang buttaya anne nipaua irawa musti nisa'laki untu' nipake mae ri kaparalluang attantua. La'buna 12,5 kilometere' battu ri pa'baeng-baeng wara' sa'genna timboro'. Pa'baeng-baeng iraya siagang ilau' musti sangkammai la'buna siagang bageang-bageang nipassareanga mae ri suku-suku Israel. Anjo bageanga lanipappareki Balla'Na Batara.

HOSEA 11:9

Tena nalaKuhukkungko lalang larroKu; tenamo nalaKuancurukko pole. Nasaba' iNakke Allata'ala, tena Kusangkamma rupataua. INakke, Matangkasaka, anrurungangko, siagang taerokaMa' larro mae ri kau.”

YO"EL 2:27

Jari nuasseng ngasemmi, he Israel, angkanaya niakKa' ri tangnga-tangnganu, siagang angkanaya iNakkemi Batara, Allata'alanu. Tena Allata'ala maraeng, pantarangannaya iNakke KalengKu. Tenamo nalanipakasiri' poleang ummakKu!”

ZEFANYA 2:5

Nitunrai ngasengko, he tu Filistin, bansa ammantanga ri biring tamparanga. Le'ba'mi Napattantu Batara hukkunganga mae ri kau. LaNapanraki ngasengko, tena manna sitau battu ri kau lakkulle ta'lappasa'.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

ZAKHARIA 2:9

“KalenNa Batara la'jari balinnu ngaseng! Siagang laniella' ngasengko ri sikamma le'ba' ata kalennu tonji. Punna kajariang anjo passalaka, lanuassemmi angkanaya Batara Kaminang Koasaya assuroa'.”

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

PAOLE 23:15

“Punna nia' ata lari battu ri karaenna nampa battu mae ri kau appala' pa'la'langngang, teako suroi ammotere'.