YESAYA 12:1 - KITTA' MATANGKASA'

¹ Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YESAYA 12:1 ပူးပေါင်းရင်းမြစ်များ

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

AYUB 11:16

ba'lalo pa'risi'nu tenamo nanuu'rangi; sanrapang a'ba naungamo, nikaluppaimi ri taua.

AYUB 13:16

Gassingka lanri anjo kabaraniangku nakusalama', saba' tau ja'dalaka tena nabarani andallekang ri Allata'ala!

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 71:21

LaKipa'jaria' la'bi la'biri', siagang Kisaleoria' ammotere'.

PAMMUJI 85:4

Tenamo naKikalarroi ke'nanga; taKipa'jariami pangngalarroi lompoTa.

PAMMUJI 86:17

Kisarea' tanra kabajikanTa, o, Batara, sollanna a'jari siri'-siri' tau birisika ri nakke, punna nacini' ke'nanga angkana Kitulunga' siagang Kisaleoria'.

PAMMUJI 9:1

Untu' pamimping pakelong. Situru' lagu Mut-Laben. Pammujina Daud.

YESAYA 10:25

Sinampe'ji nammari larroKu mae ri kau, nampa Kuancuru' anjo ke'nanga.

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

YESAYA 11:16

Lania' agang lompo untu' lanaolo umma'Na tassesaya assulu' battu ri Asyur, sangkamma wattunna assulu' Israel battu ri Mesir.

YESAYA 14:3

LaNapata'lappasaki Batara bansa Israel battu ri kapa'risanga siagang kasessanga, siagang battu ri jama-jamang battala' nipassaya mae ri ke'nanga.

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

YESAYA 26:1

Anjo wattua lanakelongangi taua anne kelonga ri butta Yehuda: “Tamaka kassa'na kotata; KalenNa Allata'ala ambangungi pattahanganNa, anrinni lasalamakki'.

YESAYA 35:10

Sikamma tau Nipakabebasaka ri Batara lammotereki; antamaki ke'nanga ri Yerusalem akkio' rannu, corai rupanna ke'nanga lanri karannuang mannannunganga. Larannui siagang lama'reja-rejai ke'nanga; lanynya'mi susaya siagang kunrarenga.

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 54:8

Sinampe'jA' anggilingi rupangKu battu ri kau lanri sanna'na larroKu. Mingka Kukamaseangko siagang pangngamaseang mannannungang.” Kammaminjo kananNa Allata'ala Mappasalama'nu.

YESAYA 54:9

“Sangkamma ri jammanna Nuh a'janjiA' angkanaya talanialleami linoa ri je'ne' a'ba, kamma tomminjo anne kamma a'janjiA' angkanaya talalarroaMa' yareka tenamo naKuancangko.

YESAYA 60:10

Nakana Batara mae ri Yerusalem, “Bansa maraeng lambangungi ammotere' kalli' tembo'nu, siagang lanalayaniko sikamma karaenga. Riolo Kuhukkungko lalang larroKu, mingka kamma-kamma anne ero'Ma' angkamaseangko.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 64:5

Kiruppai tau lambusuka siagang tau attallasaka situru' erotTa. LarroKi' mae ri kambe, mingka tuli dorakana ikambe memang battu riolo iji nasala ikambe.

YESAYA 65:18

Rannu mako siagang atte'ne pa'mai' mako satunggu-tungguna lanri apa Kupa'jaria. LaKupa'jari Yerusalem beru rassia karannuang, siagang pandudu'na atte'ne-te'ne pa'maiki.

YESAYA 66:13

LaKusaleoriko ri Yerusalem, rapang se'rea amma' ansaleori ana'na.

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

ZAKHARIA 1:16

Kamma-kamma anne ammoterekKa' mae ri Yerusalem untu' ampamopporangi anjo kotaya. Lanibangungi ammotere' BallakKu siagang lanipakabajiki ammotere' kota Yerusalem.”

ZAKHARIA 14:20

Ri anjo alloa laniukiriki giring-giring niaka ri pakeanna jaranga iamintu kana-kana kammaya anne, “Nisa'laki nipakatangkasa' untu' Batara”. Sikamma panci-panci niaka ri Balla'Na Batara lanianggaraki sangkamma mangko'-mangko' passarea ri dallekanna tampa' pakkoro'bangnganga.

ZAKHARIA 14:9

Na Batara lammarenta salaku Karaeng ri sikontu linoa; tunggala' taua lanynyombai ri Ia salaku Allata'ala siagang naassengi arenNa lalang areng sangkammaya.

ZAKHARIA 8:11

Mingka kamma-kamma anne sikamma tau niaka attallasa' ija battu ri anne bansaya sisalami gaukKu mae ri ke'nanga siagang rioloa.

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!