YESAYA 11:4 - KITTA' MATANGKASA'

⁴ Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YESAYA 11:4 ပူးပေါင်းရင်းမြစ်များ

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

AYUB 15:30

Tena nalakkulle ta'lappasa' battu ri sassang makkapuka; pepeka lampa'jari ammutungi cu'la'-cu'la'na. Lacappuki nitui' ri bawaNa Allata'ala.

AYUB 4:9

Sanrapang anging puttusu', kammaminjo larroNa Allata'ala ampanraki ke'nanga sa'genna cappu'!

PAMMUJI 110:2

Battu ri Sion laNapa'la'ba Batara kakaraenganNa; makoasa mako mae ri musu-musunnu!

PAMMUJI 18:8

Nampa ta'goccang siagang amme'bere'mo linoa, ta'lenggami siagang annekkere'mi bangkeng monconga napakamma larroNa Allata'ala.

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

YESAYA 1:17

appilajara' mako anggaukangi bajika. Paentengi kaadelanga siagang pa'rapusuki tau anjallakkanga; sarei ha'na ana' kukanga siagang alleangangi parkarana sikamma jandaya.”

YESAYA 13:11

Nakana Batara, “LaKuhukkungi linoa lanri kaja'dallanna, siagang tau ja'dalaka lanri dosa-dosana ke'nanga. Tunggala' tau tampoa laKupakatunai, siagang laKuhukkungi tau borroa siagang pallaka.

YESAYA 14:30

Lanitujuko ri kacipurang lompo, na sikamma tau ammantanga tassesa lanibuno ngasengi. Kabalekanna, tau kaminang kasi-asia battu ri umma'Na Batara langgappai kanre, siagang tau tenaya kullena lattallasaki siagang amang na salewangang.

YESAYA 16:5

Nampa nia' sitau turunganna Daud la'jari karaeng, na lanaparenta bansana siagang pangngamaseang tamamminraya. Lanapaentengi kaadelanga siagang langngallei linta' tindakang untu' anggaukangi katojenganga.)

YESAYA 2:4

Ia la'jari haking ri tangnga-tangngana bansa-bansaya, annappuki parkara ri tangnga-tangngana suku-suku bansaya. Lanide'deki pa'danga a'jari pa'jeko, siagang pokea a'jari pa'battasa'. Tenamo nalasibakkai bansa-bansaya, tena tommo natuli sadia ero' a'bundu'.

YESAYA 26:6

Sikamma tu kasi-asia siagang tau pa'risika langngonjo'-onjokangi.”

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

YESAYA 3:14

Langngallei tindakang Batara salaku Haking mae ri sikamma pamimpinna umma'Na. Naia tuduhanNa Batara mae ri ke'nanga, iamintu: “Ikau ngasemmi angngellaki sikamma wassele' koko anggoroka; balla'nu rassi siagang barang nurampasaka battu ri tau kasi-asia.

YESAYA 30:28

Nasuroi anginga a'jappa ri dallekanNa rapang a'ba sa'ge kallong angnganyukkangi sikamma apa-apaya. Naancuruki bansa-bansaya, siagang Napassala-salangi sikamma rancana ja'dala'na ke'nanga.

YESAYA 30:31

La'jari gegereki tu Asyur punna nalangngere' sa'ranNa Batara siagang nakasia' hukkungang lompoNa.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YESAYA 32:1

Ciniki, nia' se're wattu sallang nammarenta se'rea karaeng siagang adele' na sikamma pamimping bansaya lanapajappai kaadelanga.

YESAYA 32:7

Na ia patipua sangnging kaja'dallang nanawa-nawa siagang nagaukang. A'boyai akkala' untu' ancilakai tau kasi-asia, iamintu a'boyai kana balle-balle siagang narompai ke'nanga anggappai ha'na.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 40:7

Rukuka a'jari kalotoro', bungaya a'jari kalumeng, punna Napatui' Batara anging bambanga. Tojeng, anjo bansaya rapangi ruku'.

YESAYA 49:2

Napa'jari tarangi kana-kanangku rapang pa'dang, lima KalenNa anjagaia'. Napa'jaria' rapang ana' pana nikantisika, nakuNaboli' lalang ri tongkaya nipasadia untu' nipake.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YESAYA 9:7

Napabattumi Batara hukkunganga mae ri kakaraenganna Israel.

YEREMIA 33:15

Ri anjo wattua nia' se're tau adele' battu ri jari-jarina Daud laKupile a'jari karaeng. Anjo karaenga lanagaukangi apa adeleka ri sikontu pa'rasanganga.

YEREMIA 5:28

kammayatompa a'jari co'mo' siagang coppong tallasa'na. Tena sanggana kaja'dallanna ke'nanga. Tena na'gau' adele' lalang ri passala'na ana'-ana' kukanga, siagang tena naalleangngangi ha'na sikamma tau nijalakkanga.

HOSEA 6:5

Lanri kammana anjo Kusuromi battu na'bi-na'biKu untu' ampabattui mae ri kau kaputusangKu angkanaya musti nihukkung ngasengko siagang nipanrakiko. Apa Kukaerokia battu ri kau ngaseng a'nassami siagang singara'mi:

ZEFANYA 2:3

Ammotere' mako mae ri Batara, he sikontu tau tuna pa'maika ri anne pa'rasanganga, siagang sikontu tau anturukiai parenta-parentaNa. Appanggaukang mako situru' ero'Na Batara, siagang pakatunai kalennu ri dallekanNa. Inai angngassengi gassingka lata'lappasa' jako battu ri hukkunganga ri allo Napa'nyatana kalarroanNa Batara.

MALEAKHI 4:6

Lanapa'jari sikamma manggea siagang sikamma anaka asse're pa'mai', sollanna tena Kubattu ampanraki pa'rasangannu.”

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 5:5

Mate'nei tau tuna pa'maika; nasaba' iami langgappai apa le'baka Napa'janjiang Allata'ala!

LAMPA-LAMPANA 9:1

Na lalang anjo wattua tuli ero'mi Saulus ansessai siagang ambunoi sikamma tau tappaka ri Isa. A'lampami mae ri imang lompoa,

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

GALATIA 5:23

tuna pa'maiki, siagang akkullei nalewai kalenna. Tena hukkung agama ampappisangkangi anjo sikammaya.

2 TESALONIKA 2:8

nampami kacinikang anjo Tau Ja'dalaka. Jari punna battu Batara Isa, la'mai'ji bawang naNabuno anjo Tau Ja'dalaka siagang laNalissara' ri kalompoang kabattuanNa.

TITUS 3:2

Pauangi ke'nanga sollanna tena napitinai paranna tau, passangalinna parallui assiama' siagang sombere' mae ri taua. Siagang parallui tuli tuna kana-kananna ke'nanga mae ri yangasenna taua.

YAKOBUS 3:13

Punna nia' tau cara'de' siagang baji' ateka' ri tangnga-tangnganu, parallui napappicinikang katallassang bajika, nagaukangi apa-apa bajika, kammayatompa cara'deki na tuna pa'mai' ri katallassanna.

PAPPICINI' 1:16

Lima kananNa anna'galaki tuju bintoeng, na battu ri bawaNa nia' assulu' pa'dang sannaka taranna, siagang tarang pimbali-balia. RupanNa accayai sangkamma matanna alloa ri wattu tangngana alloa.

PAPPICINI' 19:11

Tassungkei kucini' surugaya, nampa nia' kucini' sikayu jarang kebo'. PabaeNa niarengi I Tamamminraya siagang I Tojeng. Adeleki hukkungang Natappukia siagang pa'bundukang Nagaukanga.

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.

PAPPICINI' 2:16

Lanri kammana, toba' laloko battu ri dosa-dosanu ngaseng! Punna tena, sinampe' mami Kulabattu mae ri kau ngaseng ambunduki siagang pa'dang niaka ri bawaKu anjo tau kammaya.