YESAYA 11:12 - KITTA' MATANGKASA'

¹² Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.

YESAYA 11:12 ပူးပေါင်းရင်းမြစ်များ

PAMMUJI 107:3

Le'ba' mako Napa'rappungang battu pa'rasangang-pa'rasangang maraeng, battu raya siagang ilau', battu wara' siagang timboro'.

PAMMUJI 147:2

LaNapammollei Batara Yerusalem; laNapoterangi sikamma tau nipelaka.

PAMMUJI 60:4

Kigoccangi linoa sa'genna a'jari te'ngere'; Kipakabajiki sikamma reppeka, saba' ta'lenggai linoa.

PAMMUJI 68:22

Mattantu laNalicaki Allata'ala ulunna musunNa, sikamma tau tulusu' attallasaka lalang dosa.

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

YESAYA 18:3

He, ikau ngaseng niaka empo ri lino! Parhatikangi punna nipanai'mo sikamma banderaya ri coppo'na sikamma monconga!

YESAYA 24:16

Battu ri cappa'na buttaya lania' kalangngerang sa'ra kelong pammuji mae ri Israel, bansa mannurukia. Mingka inakke cilakama'! Inakke ta'ronanga'! Tau a'bali' ballanga tuli nagaukanna a'gau' bali' ballanga.

YESAYA 27:13

Anjo wattua lanipasa'rai tarompe' lompoa untu' angkioki ammotere' sikontu tu Israel nipelaka mange ri Asyur siagang Mesir. Labattui ke'nanga Mange ri Yerusalem untu' anynyomba ri Batara, ri bulu' matangkasa'Na.

YESAYA 43:6

Kuparentakangi mae ri wara' siagang ri timboro', sollanna linta' ke'nanga nilappassang. Lappassammi ana'-ana' bura'nenu ammotere' battu bella, siagang ana'-ana' bainenu ammotere' battu ri cappa'-cappa'na buttaya.

YESAYA 49:22

Nakana Batara Kaminang Tinggia mae ri umma'Na, “LaKusarei pammatei bansa-bansaya na lanapoterang ana'-ana'nu; ana'-ana'nu bura'nea lanakalawingi, na ana'-ana'nu bainea lanapisangi rate ri salangganna.

YESAYA 49:5

Ri tenanapa kulassu', Nakioka' Batara a'jari atanNa, untu' ampasse'rei umma' Israel, sollanna ammotere' ke'nanga mae ri Ia. Napa'jaria' Batara tunipakalompo, Allata'ala a'jari kagassingangku.

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.

YESAYA 56:8

Kammaminne kananNa Batara Kaminang Tinggia angngantarakai bansa Israel battu ri pa'rasangang pammelakkanga, “LangngerangA' tau maraeng untu' asse're siagang ke'nanga niakamo a'rappungang.”

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

YESAYA 60:4

Ciniki apa kajarianga ri tammulilinu; ra'ya' a'rappunga untu' ammotere' mae ri kau. Ana'-ana' bura'nenu niaki battu bella, ana'-ana' bainenu nikalawingi.

YESAYA 62:10

He pandudu'na Yerusalem, assulukko allalo ri pakke'bu' lompoa, pasadiai oloanga untu' sikamma tau ammotereka. Apparekko agang lompo, pabellai batu-batunna, paentengi sikamma banderaya untu' bansa-bansaya.

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YEREMIA 23:3

Mingka sesa-sesanna ummakKu laKupasse'rei battu ri sikamma pa'rasangang tampa'na ke'nanga Kupela'. LaKuerangi ke'nanga ammotere' mange ri butta passolongang cera'na, siagang jari-jarina ke'nanga lakatambangi jaina.

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

YEREMIA 50:4

Nakana Batara, “Anjo wattua sallang tu Israel siagang tu Yehuda labattui siagang angngarru' amboyA', Allata'alana ke'nanga.

YEREMIA 51:12

Assareko tanra untu' maju ambunduki tembo'-tembo'na Babel. Pakajarreki pa'jaganga. Appa'niakko pajaga. Apparuruko untu' maju a'bakka!” Napa'rupami Batara apa le'baka Narancanakang mae ri tu Babel.

YEHEZKIEL 28:25

Nakana Batara Kaminang Tinggia, “LaKupasse'rei tu Israel battu ri sikamma pa'rasangang bella tampa'na ke'nanga Kupasiara', siagang sikontu bansaya lanaassengi angkanaya matangkasakKa'. Bansa Israel lammantangi ammotere' ri butta kalenna ke'nanga, iamintu butta le'baka Kupassareang mae ri atangKu Yakub.

HOSEA 1:11

Bansa Yehuda siagang bansa Israel lanipakase'rei ammotere'. Langngangkaki ke'nanga sitau pamimping, siagang la'bakkaki ke'nanga kammayatompa lakkalumanynyangi ammotere' ke'nanga ri pa'rasangang kalenna. Tojeng, allo Yizreel la'jarimi allo lompo!

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

ZEFANYA 3:10

Ba'lalo battu ri pa'rasangang Sudan bellaya, anjo ummakKu tassia'-siaraka laniaki battu siagang assare koro'bang mae ri Nakke.

ZAKHARIA 10:6

“LaKupa'jari kassaki pandudu'na Yehuda, laKupasalamaki umma' Israel. Kuerangi ke'nanga ammotere' mange ri pa'rasanganna lanri Kusayanna ke'nanga. LaKupareki ke'nanga sangkamma bansa tenaya nale'ba' Kusassali. INakkemi Karaeng Allata'alana ke'nanga, sikontu pappala' doanna laKuparhatikangi ammotere'.

ZAKHARIA 8:7

LaKupasalamaki ummakKu battu ri sikamma pa'rasangang le'baka napammantangngi ke'nanga nialle,

YOHANES 7:35

Nakana ngasemmo tukoasana tu Yahudia, massing para ia, “La'lampa kemaei anne taua nitakkullea ambuntuluKi? Apa eroKi a'lampa mange ri tu Yahudi pantarang pa'rasanganga, ri pa'rasanganna tu Yunania, naero' Naajara' tu Yunania?

PAOLE 32:26

ErokKa' ampa'lanynya' taba sikali ke'nanga, sollanna taniu'rangiamo ke'nanga.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

PAPPICINI' 7:1

Le'baki anjo, nia'mo kucini' appa' malaeka' ammenteng ri appaka panyingkulu'na buttaya. Natahammi ke'nanga appaka anging ri buttaya sollanna tena namammiri' mange ri bontoa, yareka ri tamparanga, yareka mange ri poko'-poko' kayua.