YESAYA 10:3 - KITTA' MATANGKASA'

³ Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YESAYA 10:3 ပူးပေါင်းရင်းမြစ်များ

PA'JARIANG 31:1

Nalangngere'mi Yakub akkana kamma anne ana'-ana'na Laban, “Naallemi Yakub sikamma pa'barang-baranganna bapatta. Yangasenna anjo kakalumanynyanganna sangnging barang-barang battu ri bapatta.”

2 KARAENG-KARAENG 7:15

A'lampami ke'nanga sa'genna mange ri Binanga Yordan. Ri tangngana aganga jaimi nacini' ke'nanga pakeang siagang pakkakasa' tassiara' mange-mange. Yangasenna anjo apa-apaya nipasambila kammajinjo bawang ri tu Siria ri wattunna lari ke'nanga. Ammotere'mi anjo sikamma tunisuroa nampa a'laporo' mae ri karaenga.

AYUB 31:14

Punna tena, antekamma bateku musti andallekang ri Allata'alaku? Apa pialingku punna battu sallang angngadelia'?

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

YESAYA 13:6

Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

YESAYA 17:4

Nakana Batara, “Nia' wattunna sallang, nalalanynya' kalompoanna siagang kacopponganna tu Israel.

YESAYA 20:6

Anjo wattu sikamma tau niaka ammantang ri biring tamparanga lanakana, ‘Cini'mi apa kajarianga mae ri bansa nipattoanga untu' lalla'langiki' battu ri karaeng Asyur. Antekamma bateta lakkulle salama'?’ ”

YESAYA 26:14

Matemi ke'nanga siagang tenamo nalattallasa' poleang, talambangungami ammotere' rohna. Saba' cappu'mi ke'nanga le'ba' Kiancuru' siagang Kipela' ri pangngu'ranginTa.

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

YESAYA 28:20

Rapangko tau eroka attinro lalang koi bodoa sa'genna tena nukkulle nupatonrang kalennu. Kalimbu'na kurang la'baki untu' angkalimbuki kalennu.

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YESAYA 30:5

kabusu'na taua lasiri'-siri' ngasengi lanri napattoanna ke'nanga bansa tenaya matu-matunna mae ri ke'nanga. Teai passawallang yareka pannulung nagappa ke'nanga, passangalinna panghinaang.”

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

YESAYA 39:3

Nampa battumo Na'bi Yesaya andallekang siagang akkuta'nang ri Karaeng Hizkia angkana, “Battu kemae ngasengi anjo taua? Apa nakana ke'nanga?” Appialimi Hizkia angkana, “Battu ri Babel ke'nanga, pa'rasangang bella.”

YESAYA 5:14

Tassungke luaraki bawana kamateanga untu' angnga'luki sikamma pamimpinna Yerusalem siagang ra'ya' sitabanga assua'-suara'.

YESAYA 5:26

LaNakioki Batara bansa bellaya na labattu ke'nanga linta'!

YEREMIA 22:7

LaKukiringi battu taua untu' angngancuruki. Langngerangi ke'nanga pangkulu', nampa narumbang sikamma benteng-benteng ga'gana nipareka battu ri camara Libanon. Nampa lanapasambila ke'nanga antama' ri pepeka.

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEREMIA 9:9

Antekamma anjo bansa kammaya taKupitujui hukkungang siratanga? LaKubalasaki panggaukanna ke'nanga; iNakke, Batara, anne akkana!”

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.

HOSEA 9:5

Ri allo-allo lompo agamaya untu' ampakala'biriki Batara, tena apa-apa lakkulle nugaukang untu' ansuarri.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

AMOS 5:19

Kaadaanna rapangi tau laria battu ampilari singaya, nampa assibuntulu' siagang beruang. Yareka kontui tau ammotereka mae ri balla' nappatungkulu' siagang limanna mae ri temboka nampa nipitto' ri ulara'!

MIKHA 7:4

Manna kaminang bajika siagang kaminang lambusuka battu ri ke'nanga kontumi romang akkatinting tenaya matu-matunna. Narapi'mi wattunna Allata'ala anghukkungi umma'Na sangkamma le'baka Napappakaingakkang mae ri ke'nanga tete ri na'bi-na'bia. Kamma-kamma anne ammumbami karicuanga ri alla'na ke'nanga.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.