YESAYA 1:9 - KITTA' MATANGKASA'

⁹ Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 1:9 ပူးပေါင်းရင်းမြစ်များ

PA'JARIANG 18:26

Nakanamo Batara, “Ebara' angkana nia' limampulo tau tenaya salana ri kota Sodom, laKupammopporang ngasengi sikontu bonena anjo kotaya, lanri ke'nanga anjo limampuloa tau.”

PA'JARIANG 18:32

Kala'busanna nakanamo pole Abraham, “TeaKi' larroi Batara, sikali mama' la'bicara. Antekamma punna sampuloji bawang tau anjoreng?” Nakanamo Batara, “Punna nia' sampulo tau tena salana, talaKupanrakiai anjo kotaya.”

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

1 KARAENG-KARAENG 19:18

Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

2 KARAENG-KARAENG 19:4

Nia'mo sitau panglima tinggi pangka'na battu nasuro karaeng Asyur untu' antunai Allata'ala mattallasaka. Inai angngassengi, gassingka Nalangngere'mi Karaeng Allata'alanu anjo kana-kana mappakatunaya mae ri KalenNa, siagang Nahukkung tau le'baka ampasuluki anjo kana kammaya. Lanri kammana anjo appala' doang laloko mae ri Allata'ala untu' taunta attallasaka ija.”

YESAYA 1:8

Yerusalem mami ammantang, mingka anjo kotaya nikulilingimi ri musu, tenamo kullena; rapang mami balla' koko ca'di ri koko anggoroka, yareka balla' kepo-kepo ri koko bonteka.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 11:16

Lania' agang lompo untu' lanaolo umma'Na tassesaya assulu' battu ri Asyur, sangkamma wattunna assulu' Israel battu ri Mesir.

YESAYA 17:6

Rapang poko' zaitun cappuka nialle rapponna, na piram batu mami ammantang ri cappa'-cappa' tangkenna, kamma tomminjo bansa Israel, sike'de' mami lasalama'. INakke, Batara Allata'alana Israel, anne akkana.”

YESAYA 24:13

Iaminjo lakajariang mae ri sikontu bansaya ri lino. Sangkamma ri wattunna pakkatoang, wattu rappo zaitun nialle sa'genna la'busu' siagang nialle rappo anggoro' kala'busanga battu ri poko'na.

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

YESAYA 37:4

Nasuroi karaeng Asyur perwira tantarana untu' anghinai Allata'ala mattallasaka. Inai angngassengi, gassingka Nalangngereki Karaeng Allata'ala anjo panghinaanga na Nahukkung tau ampasulukai anjo kana kammaya! Lanri kammana anjo appala' doang laloko mae ri Allata'ala untu' sikamma tau attallasaka ija.”

YESAYA 46:3

PilangngeriA', he turunganna Yakub, ikau ngaseng niaka tassesa ri ummakKu. Le'ba' mako Kuparakai baku' nilassukannu.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

YESAYA 65:8

Nakana Batara, “Rappo anggoro' niaka ija je'ne'na tena nanipelaki, mingka nipa'jari je'ne' anggoro'. Kamma tomminjo bansaKu, tena nalanipanraki ngaseng, saba' nia' ija ri ke'nanga anynyomba mae ri Nakke.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

YEREMIA 42:2

mae ri nakke nampa angkana, “Bapa', sangkamma kicinika kalenta, ikambe anne riolo jaiki', na kamma-kamma anne sike'de' mamaki' ammantang. Napalaki ikambe ri katte Bapa', nakiero' ampappala' doangngangi ikambe mae ri Karaeng Allata'ala kisombaya. Kipappala' doangngangi ikambe anne niaka ija tassesa ri Karaeng Allata'ala kisombaya,

YEREMIA 50:20

Ri anjo wattua Israel siagang Yehuda latangkasaki battu ri dosaya, lanri laKupammopporangi sikamma tau le'baka Kupasalama'. INakke, Batara, anne akkana.”

PIRAUNG 3:22

Anjo pangngamaseanNa Batara sa'gennai satunggu-tungguna, tena la'busu'na passare baji'Na,

PIRAUNG 4:6

Nihukkungi ummakKu la'bi battallangngang na hukkunganna tu Sodom le'baka sipakkida mataji bawang naancuru' lalang limanNa Allata'ala na teai tete gau' rupatau.

YEHEZKIEL 14:22

Ebara' angkana nia' ta'lappasa' siagang napasalamaki ana'-ana'na, parhatikangi ke'nanga punna battui ke'nanga mae ri kau. Ciniki antekamma ja'dala'na ke'nanga, nanuassemmo angkanaya coco' sikali tindakangKu anghukkungi Yerusalem.

YEHEZKIEL 6:8

Nia' tena siapa jaina battu ri ke'nanga laKupata'lappasa' battu ri anjo pammunoanga mingka laKupasisa'la'-sa'laki ke'nanga mange ri alla'na bansa-bansaya;

YO"EL 2:32

Mingka inai-nai appala' pannulung mae ri Batara, iami lanipasalama'. Nakana Batara, “Ri Yerusalem sikamma tau Kupilea lasalamaki.”

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

MATIUS 7:14

Mingka seppaki siagang sukkaraki pakke'bu' angngoloa mange ri katallassanga, nasike'de'ji tau angngolo anjoreng.”

ROMA 9:27

Naterassimi nakana Na'bi Yesaya ri sesena bansa Israelka, “Manna pole nasangkamma kassika ri tamparanga jaina bansa Israelka, mingka sike'de'ji lasalama';

ROMA 9:29

Nakana pole Na'bi Yesaya, “Ebara' angkana tenamo sossorang Nabolikangki' Allata'ala Kaminang Koasaya, mattantu le'ba' ngaseng maki' a'jari sangkamma taua ri Sodom siagang Gomora.”

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

2 PETRUS 2:6

Kamma tomminjo kota Sodom siagang Gomora; Naancu'-ancuruki Allata'ala anjo kotaya siagang pepe', sollanna a'jari conto ri passala'na apa lakajarianga sallang mae ri sikamma tau tenaya natappa' ri Allata'ala.

PAPPICINI' 11:8

Siagang latappepara'mi maya'na ke'nanga ri agang lompona kota lompoa, ri tampa'na Batarana ke'nanga le'ba' nisalli'. Areng pangngebarranna anjo kotaya iamintu kota Sodom yareka Mesir.