YESAYA 1:4 - KITTA' MATANGKASA'

⁴ Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YESAYA 1:4 ပူးပေါင်းရင်းမြစ်များ

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

2 KARAENG-KARAENG 21:22

Tena nattallasa' situru' ero'Na Batara, ba'lalo nabokoi Batara, Allata'ala nisombaya ri boe-boena.

2 PATTOTTORANG 12:1

Ri wattunna jarre'mo empoanna Rehabeam a'jari karaeng, ia siagang sikontu ra'ya' Israel tanajampangiami hukkunNa Batara,

2 PATTOTTORANG 27:2

Ningai Yotam ri Batara, sangkamma todong manggena. Iaji bawang katena nattunu dupa ri Balla'Na Batara, sangkamma nagaukanga manggena. Mingka manna nakamma, tuli a'gau' dosana ra'yaka.

NEHEMIA 1:7

Dorakami ikambe mae ri Katte siagang nidakkaimi sikamma parentaTa. Tamannurukiai ikambe ri hukkung-hukkung le'baka Kipassareang ri kambe tete ri Musa, anjo atanTa.

PAMMUJI 58:3

Tena, ikau apa ja'dala' nurancana ngaseng, siagang katerassang nugaukang ri anne pa'rasanganga.

PAMMUJI 71:22

Erokka' mammuji mae ri Katte siagang gambusu', saba' tamamminrayaKi', o, Allata'alaku. Erokka' akkelong lagu pammuji mae ri Katte siagang kacapi, o, Allata'alana Israel matangkasaka.

PAMMUJI 78:40

Tamaka ma'mole-molena ke'nanga angngewa ri Ia, siagang napa'risi pa'mai'Na ri wattunna ri parang lompoa.

PAMMUJI 78:41

A'mole-molei ke'nanga naso'ri Allata'ala, nasusai Kaminang Matangkasaka, Allata'alana Israel.

PAMMUJI 78:57

A'jari bali ke'nanga sangkamma boe-boena ke'nanga, takkulleai nipatappa' sanrapang jekkona anrong panaya.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

PAMMUJI 89:18

Kisarei ikambe pammetang lompo, lanri kabajikanTaji bawang nammeta ikambe.

KALAPPASSANG 32:7

Jari Nakanamo Batara ri Musa, “Naungko linta', saba' anjo bansa nupimpinga assulu' battu ri Mesir a'gau' ja'dala'mi.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 1:28

Mingka tau dorakaya, angngewaya mae ri Ia, laNapanraki, nampa sikamma tau ambokoiyai laNapaccappuki.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 14:20

Le'ba'mi nupanraki pa'rasangannu siagang nubuno bansa kalennu. Lanri kammana anjo tenamo nitarawangko kau sangkamma karaeng-karaeng maraenga. Tena manna sitau battu ri anjo kaluarganu ja'dalaka lanipasalama'.

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

YESAYA 3:8

Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.

YESAYA 30:1

Nakana Batara, “Cilakai sikamma pamimpinna tu Yehuda, lanri angngewana ke'nanga ri Nakke. Rancanana ke'nanga naturuki, teai rancanaKu. Annekengi parjanjiang ke'nanga, tenaya nasicoco' siagang erokKu. Jari attambung-tambummi dosana ke'nanga.

YESAYA 30:15

Nakana Batara Kaminang Tinggia, Allata'ala matangkasa'na Israel mae ri umma'Na, “Toba' mako siagang sannang mako, nulanipasalama'. Tappa' mako mae ri Nakke na nupakasannang pa'mai'nu, naKupakajarrekko.” Mingka taerokako!

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

YESAYA 31:2

Cara'deki Batara siagang Naassengi apa Nagaukanga. Appabattui bala siagang angngancangi laNahukkung tau ja'dalaka siagang tau antulungai anjo tau ja'dalaka.

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 41:16

Lanutapi ke'nanga, nampa niri'bakang ri anging ke'nanga nipasimbung ri anging lompo. Larannui pa'mai'nu lanri Nakke, Batara, lompoi pa'mai'nu lanri Nakke, Allata'alana Israel

YESAYA 41:20

Na sikontu taua lanaciniki siagang lanaassengi angkana iNakke, Batara, anggaukangi anjo. Lanaparhatikangi siagang lanapahangi ke'nanga, Allata'ala matangkasa'na Israel ampa'jari anjo kammaya.”

YESAYA 5:19

Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

YESAYA 5:24

Nutollaki ajaranNa Batara Kaminang Koasaya, na nuhina parentaNa Allata'ala matangkasa'na tu Israel. Lanri kammana anjo, rapang rarame siagang ruku' kalotoro' la'busu' nakanre pepe', kamma tomminjo aka'-aka'nu la'jari bottoki, bunga-bungannu la'jari kalotoroki na la'busu' nairi' anging.

YESAYA 57:17

Dosa lanri ngoana ke'nanga ampakanassuA', lanri kammana naKuhukkung siagang Kubokoi ke'nanga. Mingka terasa' dudui ulunna ke'nanga na tuli ero'na naturukiang.

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 65:11

Mingka tena nakamma anjo sarenna tau ambokoiA', tenaya najampangi Sion, bulu' matangkasakKu, assarea passare mae ri Gad siagang Meni, iamintu rewata-rewata kaupakkanga siagang sarea.

YESAYA 65:3

Tulusu' napakanassuKu ke'nanga lanri assarena koro'bang ri koko-kokoa mae ri rewata-rewataya siagang attunui kamanynyang ri tampa'-tampa' pakkoro'bangnganna ke'nanga.

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.

YEREMIA 15:6

Le'ba'Ma' nusorongboko siagang nubokoi, lanri kammanami anjo naKuangka' limangKu untu' angngancurukko, lanri lanreMa' antahangi larroKu.

YEREMIA 2:13

Ruang rupa dosa nagaukang ummakKu: nabokoiA' assarea je'ne' pannallassi ri rupataua; napapparekangi kalenna ke'nanga kalo'bang assabang tenaya nakkulle annahang je'ne' tingkasa'na.”

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

YEREMIA 2:33

Cara'de' tojeng-tojengko appare' akkala' untu' angngallei nyawana sikamma tanrinnu. Manna pasundala' kaminang panraka akkulle tongiji appilajara' mae ri kau!

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

YEREMIA 32:32

lanri sikontu kaja'dallang nagaukanga tu Yehuda siagang Yerusalem, sikamma karaenga, pagawe pamarentaya, imanga, siagang na'bi-na'bina ke'nanga.

YEREMIA 50:29

Nakana Batara, “Suroi sikamma tantara angngeranga pana ambunduki Babel. Pagio' ngasengi sikamma tau cara'deka ammake sanjata pana. Kurungi anjo kotaya siagang teako lappassangngi manna sitau ta'lappasa'. Balasaki sikontu panggaukanna siagang gaukammi ri ke'nanga sangkamma le'baka panggaukanna, lanri le'baki a'gau' kurangajara' mae ri Nakke, Kaminang Matangkasaka, iamintu Allata'alana Israel.

YEREMIA 51:5

INakke, Batara, iamintu Allata'ala Kaminang Koasaya, Allata'ala Matangkasa'na Israel, tena nalaKubokoi Israel siagang Yehuda, manna pole nadorakamo ke'nanga ri Nakke.

YEREMIA 7:19

Mingka sikontutojenna, teai iNakke napa'risi ke'nanga, passangalinna kalenna tonji ke'nanga, sa'genna siri'-siri' nakasia' ke'nanga.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEHEZKIEL 14:5

Sikontu anjo barhalaya napakabellai ummakKu battu ri Nakke, mingka dasi-dasi nalanri anjo pappialingKu nalammotere' ummakKu mae ri Nakke.’

YEHEZKIEL 16:33

Se'rea pasundala' tuli nibayaraki, mingka kabalekanna ikau assarei hadia sikamma tu bura'ne nuaganga assikatinroang, ba'lalo nunyonyoki ke'nanga siagang doe' sollanna battu ngaseng angngagangko assikatinroang.

YEHEZKIEL 16:45

Memang, ikaumi ana' bainena amma'nu. Tena nangai bura'nenna siagang ana'-ana' kalenna. Ikau sangkammako sikamma sari'battang bainenu tenaya todong nangai bura'nenna siagang ana'-ana'na. Ikau siagang sari'battannu, iamintu kota-kota niaka ri tammulilinu amma'nu tu Het siagang manggenu tu Amori.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

PAMMILANGNGANG 32:14

Na kamma-kamma anne, angngewa tommako sangkamma bapa'nu ngaseng. Ikau memang pa'rappungannako tau dorakaya, ampakalompoai nassuNa Batara mae ri bansa Israel!

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

PAOLE 29:25

Na pialinna iamintu, ‘Lanri takkaluppana ke'nanga ri parjanjianNa Batara, Allata'alana boe-boena ke'nanga; parjanjiang Napareka siagang ke'nanga ri wattunna nierang ke'nanga assulu' battu ri Mesir.

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

PAOLE 32:19

Nacini'na gau'-gau'na ana'-ana'Na larromi Batara nampa Natolla' ke'nanga.

PAOLE 32:5

Mingka ikaumi bansa tenaya namajarre' pa'mai'nu, bansa jaia jekkonna siagang dosana, tenayamo nanibilangngi umma'Na.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

PAPPICINI' 18:5

Nasaba' attambung-tambungi dosana sa'genna ri langika, na Nau'rangi Allata'ala kaja'dallanna.

HAKING-HAKING 10:10

Jari akkio'mi umma' Israel appala' tulung ri Batara, angkana, “Dorakami ikambe mae ri Katte; tenamo namangngu'rangi ikambe mae ri Katte, o Allata'ala! Anynyombami ikambe mae ri rewata-rewata Baalka.”