YESAYA 1:18 - KITTA' MATANGKASA'

¹⁸ Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

YESAYA 1:18 ပူးပေါင်းရင်းမြစ်များ

AYUB 9:33

Mingka tena haking ri alla'na ikambe akkulle angngadeli ikambe sipa'rua.

PAMMUJI 51:7

Sitojenna, ja'dala' memanga' baku' nilassukangku, nataba memamma' dosa baku' lalangku ri battang.

PAMMUJI 51:9

Kitangkasia', sollangku a'jari tangkasa'; bissaia', sollangku a'jari kebo' sanrapang kapasa'.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 3:13

Sadiami Batara untu' antuntuki siagang angngadeli umma'Na.

YESAYA 41:1

Nakana Allata'ala, “A'merekiko, pilangngeriA', he sikamma pandudu'na sikamma pa'rasangang bellaya. Sadiako untu' maju ri pangadelanga, maju mako nasorong parkaranu. Umba kissidang siagang, na nitappuki angkana inai annaba, inai sala.

YESAYA 41:21

Batara, karaenna Israel, angkana ri rewata-rewataya, “Pamajumi parkaranu, paumi alasang-alasanna!

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 50:8

Saba' ma'reppeseki Allata'ala, Napa'nyatai angkanaya tena nakusala. Inai ero' angngaganga' a'gea'? Umba kipara maju assama-sama. Inai angngewa'? Suromi a'reppese' mae ri nakke.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

YEHEZKIEL 18:27

Mingka punna nia' tau ja'dala' nampa tenamo na'gau' ja'dala' pole passangalinna appakkaramulami nagaukang panggaukang bajika siagang annabaya, lasalamaki nyawana.

YEHEZKIEL 33:16

Tena nalaKuu'rangi pole dosa-dosana le'baka nagaukang, siagang lattallasaki lanri nagaukangi apa annabaya siagang bajika.

MIKHA 6:2

He sikamma monconga, he sikamma lappara'na buttaya, pilangngeri tuduhanNa Batara! Nia' parkaraNa siagang Israel umma'Na siagang laNatuntuki ke'nanga.

LAMPA-LAMPANA 17:2

Kamma biasaya nagaukang punna nia' balla' sambayang tu Yahudi ri se'reang tampa', a'lampami Paulus mange anjoreng ri balla' sambayanga. A'bicarami Paulus siagang sikamma tau niaka ri balla' sambayanga, ri passala'na apa-apa niaka tattulisi' lalang ri Kittaka. Kammaminjo nagaukanga Paulus sa'genna pintallung allo Pammari-mariang assisambung-sambung.

LAMPA-LAMPANA 18:4

Mingka punna narapi' allo Pammari-marianga, a'lampami Paulus mange ri balla' sambayanga. A'bicarami siagang tu Yahudia kammayatompa tu Yunania, sollanna tappa' ke'nanga mae ri Isa.

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

ROMA 5:20

KalenNa Allata'ala ampassareangi hukkung-hukkung agama Yahudia. Mingka pila' usahai rupataua anggaukangi anjo hukkung-hukkunga, pila' nadakkaimi anjo hukkung-hukkunga siagang pila' dorakami mae ri Allata'ala. Mingka pila' a'gau' dosana rupataua, pila' nikamaseang tommi ke'nanga ri Allata'ala.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.

1 SAMUEL 12:7

Kamma-kamma anne teako rolong a'lampai. Lakutuntu' ngasengko ri dallekanNa Batara. U'rangi sikontu kalammorang pa'mai'Na Batara ia le'baka Napappicinikang ri kau ngaseng siagang mae ri boe-boenu.