YESAYA 1:11 - KITTA' MATANGKASA'

¹¹ Nakana Batara, “Nukapangi angkana Kungai sikontu anjo passare tulusu' nupassareanga mae ri Nakke? LanreA' mae ri sikamma gimbala' koro'bang nitununu siagang ri jannana sikamma ana' sapinu. Tena Kungai cera' sapi lakia, gimbalaka siagang bembea.

YESAYA 1:11 ပူးပေါင်းရင်းမြစ်များ

PAMMUJI 40:6

O, Batara, tamaka jaina bate paretTa mae ri kambe, o, Batara Allata'alaku, iKatte tena sangkammanTa! Tamaka jaina rancana appakalannasatTa mae ri kambe, tena olona lakkulle nicarita ngaseng.

PAMMUJI 50:8

Teai passabakkang koro'bannu naKutuntukko; koro'bang nitununu tuli nia'na ri dallekangKu.

PAMMUJI 51:16

Kilappassanga' battu ri kamateanga, o, Allata'ala Tumappasalamakku, nakurannumo angkabarrangi kaadelanTa.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

YEREMIA 7:21

Nakana Batara, “He ummakKu, nuassengi angkanaya anjo passare nutunua irate ri tampa' pakkoro'bangnganga musti nitunui sa'genna cappu', nampa passare maraenga akkullei nukanre. Mingka iNakke, Batara, Kukana, allemi kanre ngaseng!

HOSEA 6:6

Kungaiangngangi punna tappakko siagang mangngamaseangko ri Nakke, naia punna attunuko siagang assareko koro'bang mae ri Nakke.

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

AMOS 4:5

Assare mako roti salaku sukkuru'nu mae ri Nakke, siagang a'bicara kosong mako angkanaya le'ba' mako angngerang tambana passarenu! Tantu iaminjo nungai ngaseng nugaukang!

AMOS 5:21

Nakana Batara, “Kukabirisi siagang lanreA' anciniki passua'-suarranna agamanu!

AMOS 5:22

Punna angngerangko koro'bang nitunu siagang koro'bang gandung, tena nalaKutarima. TaeroKa' antarimai anjo olo'-olo'nu co'moka nupassareanga mae ri Nakke salaku koro'bang passiamakkang.

MIKHA 6:7

Apaka lasannangi Batara punna angngerangki' mae ri Ia assa'bu-sa'bu gimbala' yareka alla'bi-la'bi minynya' zaitun? Mustika nipassareangi mae ri Ia ana' bungasatta salaku pannangkasi mae ri dosa-dosata?

HAGAI 2:14

Nampa akkuta'nang pole Hagai angkana, “Napaui Batara angkanaya anjo paratoranga tappake tongi mae ri umma' Israel anrinni ri pa'rasanganga siagang mae ri kabusu'na alle polena ke'nanga. Jari, apa napassareanga ke'nanga ri anne tampa' pakkoro'bangnganga ra'masaki.”

ZAKHARIA 7:5

Nakana, “Pabattuangi mae ri sikontu pandudu'na anne pa'rasanganga siagang mae ri sikamma imanga, angkanaya anjo puasaya siagang karru' nagaukanga ke'nanga ri bulang makalimaya siagang makatujua lalanna anne tujupulo taunga teai pappakalompo untu' mae ri Nakke.

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

MATIUS 22:4

Jari nasuromi pole pala'-palayanna maraenga anjo Karaenga. Napasammi ke'nanga angkana: ‘Pauang ngasengi anjo tau le'baka niburittai angkanaya: Tattala ngasemmi apa-apaya ri passua'-suarrang pa'buntinganna Karaenga. Sikamma sapia siagang sapi rungka kaminang bajika le'ba'mi nisuro polong. Kamma-kamma anne sadia ngasemmi. Umbamo kimange anjoreng assua'-suara' ri pa'buntinganga!’

MATIUS 9:13

Pappilajarimi apa battuanna niaka nipau lalang ri Kittaka angkanaya: ‘Pangngamaseang Kukaeroki, jari teai koro'bang olo'-olo'’. Nasaba' iaji Kunia' battu lanri tu dorakaya ero' battu Kukio', jari teai tu tojenga.”

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.