YESAYA 1:1 - KITTA' MATANGKASA'

¹ Bone nakimbolonga anne kittaka iamintu siapa are pappasang ri passala'na Yehuda siagang Yerusalem; anne pappasanga Napabattui Allata'ala mae ri Na'bi Yesaya, ana'na Amos, ri wattunna Uzia, Yotam, Ahas, siagang Hizkia, ammarenta ri Yehuda.

YESAYA 1:1 ပူးပေါင်းရင်းမြစ်များ

2 KARAENG-KARAENG 15:1

Ri taung makaruampulona antuju ammarenta Karaeng Yerobeam II ri Israel, iaminjo wattua na'jari Karaeng Uzia ana'na Amazia ri Yehuda.

2 KARAENG-KARAENG 15:13

Ri taung makatallumpulo assalapang ammarentana Karaeng Uzia ri Yehuda, iatommi anjo wattua na'jari Karaeng Salum ana'na Yabesh ri Israel. Poro sibulanji bawang ammarenta ri Samaria,

2 KARAENG-KARAENG 15:32

Ri taung makarua ammarentana Karaeng Pekah ana'na Remalya ri Israel, ia tomminjo wattua na'jari Karaeng Yotam ana'na Usia ri Yehuda.

2 KARAENG-KARAENG 15:7

Matemi na nitarawang Uzia ri pa'jerakkanna sikamma karaenga ri Kota Daud. Nampa ana'na niarenga Yotam ansambeangi a'jari karaeng.

2 KARAENG-KARAENG 18:1

Ri taung makatallu ammarentana Karaeng Hosea, ana'na Ela ri Israel, anjo wattua Hizkia ana'na Ahas a'jari karaeng ri Yehuda.

2 KARAENG-KARAENG 19:2

Nampa nasuro Elyakim, kapala ruma tanggana balla' karaenga, Sebna jurutulisi'na pa'rasanganga, siagang sikamma imang toayamo, untu' a'lampa mange ri Na'bi Yesaya ana'na Amos. Ammake tommi ke'nanga kaeng karung.

2 PATTOTTORANG 26:1

Matenamo Amazia, nipilemi ana' bura'nena niarenga Uzia ri sikontu ra'ya' Yehuda, a'jari karaeng. Anjo wattua umuru'na 16 taung. Amma'na niarengi Yekholya, baine battu ri Yerusalem. Niaki 52 taung sallona ammarenta Uzia ri Yerusalem. Naallei siagang nabangungi ammotere' kota Elot.

2 PATTOTTORANG 26:22

Pau-pau maraengannaya ri passala' pamarentahanna Karaeng Uzia, le'baki nicata' ri Na'bi Yesaya ana'na Amos.

2 PATTOTTORANG 27:1

Wattunna a'jari Karaeng Yotam ri Yehuda, 25 taung umuru'na, siagang ammarentai ri Yerusalem 16 taung sallona. Amma'na iamintu Yerusa ana'na Zadok.

2 PATTOTTORANG 28:1

Wattunna a'jari Karaeng Ahas 20 taung umuru'na, siagang 16 taung sallona ammarenta ri Yerusalem. Tena naturuki panggaukang baji'na Karaeng Daud, boena, passangalinna nagaukangi apa tenaya Nangai Batara.

2 PATTOTTORANG 29:33

Angngerang tongi ke'nanga 600 sapi laki siagang 3.000 gimbala' untu' nipassareang siagang nikanre assama-sama siagang sikontu tau hadereka.

PAMMUJI 89:19

Saba' tuma'jagana ikambe iamintu tunipileTa, o, Batara; karaenna ikambe iamintu Allata'ala Matangkasa'na Israel pata.

YESAYA 13:1

Iaminne pappasanNa Allata'ala, natarimaya Yesaya ana'na Amos ri passala'na Babel:

YESAYA 2:1

Iaminne pasanNa Allata'ala mae ri tu Yehuda siagang Yerusalem, natarimaya Yesaya, ana'na Amos:

YESAYA 20:2

Tallun taung allaloa, Nisuroi Yesaya ana'na Amos ri Batara sollanna napasulu' pa'lapa' bangkenna siagang kaeng karung niaka napake. Mannurukimi nampa a'jappa assolara' siagang tena nammake pa'lapa' bangkeng.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 37:2

Nampa nasuro Elyakim, kapala balla' lompoa, Sebna juru tulisi'na pa'rasanganga kammayatompa sikamma imang-imang niaka pangka'na untu' a'lampa angngagangi sicini' Na'bi Yesaya, ana'na Amos. Ke'nanga ammake kaeng karung ngaseng tongi.

YESAYA 38:1

Tabellayai ri anjo wattua, tu'guru' garrimmi Karaeng Hizkia, na'birimmo mate. Mangemi Na'bi Yesaya ana'na Amos antoaki, na nakana, “Appasangi Batara sollanna kipa'le'ba' baji urusanta, lanri tenamo kilammolle ri garrinta karaeng. Tasalloami nakimate.”

YESAYA 40:9

Naikko ri moncong tinggia, pa'la'bangi kabara' bajika mae ri Yerusalem! Akkiokko, pilompoi sa'rannu, pa'la'bangi kabara' bajika mae ri Sion! Paui mae ri kota-kotana Yehuda angkana labattui Allata'alana ke'nanga!

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

YESAYA 7:1

Anjo lapung Karaeng Ahas, iami ana' bura'nena Yotam, cucunna Uzia. Ri wattunna ia ammarenta ri Yehuda, kajariammi bunduka. Rezin karaeng Siria, siagang Pekah ana' bura'nena Remalya karaeng Israel, battui ambunduki Yerusalem. Mingka takkulleai nabeta ke'nanga anjo kotaya.

YEREMIA 23:16

Mae ri pandudu'na Yerusalem, Nakana Batara Kaminang Koasaya, “Teako pilangngeri kana-kananna sikamma na'bia, tuli ampabattuangko panrannuang kosong bawang. Pikkirang napare' kalenna bawang ke'nanga anjo napabattua, teai pasangKu.

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

HOSEA 1:1

Iaminne pasang Napassareanga Batara mae ri Hosea ana'na Beeri ri wattunna kakaraengang Yehuda niparenta massing-massing ri Karaeng Uzia, Yotam, Ahas, siagang Hizkia, nampa kakaraengang Israel niparenta ri Yerobeam ana'na Yoas.

AMOS 1:1

Anjo lapung Amos, iamintu sitau pakalawaki gimbala' battu ri kota Tekoa. Nikioki a'jari na'bi ri wattu niparentana pa'rasangang Yehuda ri Karaeng Uzia, siagang Israel niparentai ri Karaeng Yerobeam, ana'na Yoahas. Ruan taung ri tenanapa nakajariang ta'ge'goso'na buttaya, Napa'nyatai Allata'ala mae ri Amos ri passala'na tu Israel.

AMOS 4:5

Assare mako roti salaku sukkuru'nu mae ri Nakke, siagang a'bicara kosong mako angkanaya le'ba' mako angngerang tambana passarenu! Tantu iaminjo nungai ngaseng nugaukang!

MIKHA 1:1

Assala'na Mikha iamintu tubattu ri se're kota ca'di niarenga Moresyet. Ri wattu niparentana pa'rasangang Yehuda iamintu sikamma karaeng: Yotam, Ahas, siagang Hizkia; iaminjo wattua nannarima Mikha pasang battu ri Batara ri passala'na Samaria siagang Yerusalem.

NAHUM 1:1

Iaminne pasanNa Allata'ala ri passala'na Niniwe. Anjo pasanga Napa'nyatai lalang paccini' Napassareanga mae ri Nahum, iamintu sitau na'bi battua ri Elkos assala'na.

HABAKUK 2:2

Appialimi Batara mae ri nakke kamma anne, “Ukiriki baji' pa'nassana mae ri papang batua, apa Kupa'nyataya mae ri kau sollanna akkulle gampang nibaca.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

PAMMILANGNGANG 24:16

le'baka allangngereki kana-kananNa Allata'ala, siagang akkullea angngassengi Kaminang Tinggia; ancinikai Napa'nyata KalenNa Kaminang Koasaya lalang anra'bana mingka tassungkei matanna.

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

MATIUS 17:9

Ri wattunna naung ke'nanga battu ri monconga, appasammi Isa ri ke'nanga Nakana, “Teako niakki ancaritai anjo kajariang nucinika sumpaeng manna ri nai, punna tenapa nipabangungi Ana' Ma'rupataua battu ri kamateanga.”

LAMPA-LAMPANA 10:17

Lippumi nawa-nawana Petrus ampikkiriki angkana apa battuanna anjo pappiso'naya. Lalang appikkiri'na Petrus, nibuntulu'mi balla'na Simon ri anjo tunisuroa ri Kornelius. Nia'mi ke'nanga ri dallekanna pakke'buka.

LAMPA-LAMPANA 26:19

“Jari lanri kammana, Karaeng Agripa, tuli kuusahaimi nikanaya amminawang turu' mae ri anjo apa le'baka nipicinikianga' siagang kutarimaya battu ri Allata'ala.

2 KORINTUS 12:1

Memang, tena passawallang nigappa punna nipakalompo pa'maika. Mingka kamma tonji erokku angkalompoang pa'maiki apa-apa le'baka Napappicinikang Allata'ala mae ri nakke.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.