YEREMIA 9:3 - KITTA' MATANGKASA'

³ siagang tau tuli sadia a'balle-balle. Ri sikontu pa'rasangang, tena koasana katojenganga, ba'lalo kajekkonganga teai sipato' jaina. Nakana Batara, “Tena ammari-marina ummakKu anggaukangi kaja'dallanga, tena naaniA' salaku Allata'alana ke'nanga.”

YEREMIA 9:3 ပူးပေါင်းရင်းမြစ်များ

PA'JARIANG 39:16

Nampa naboli' bainenna Potifar anjo jubaya sa'genna ammotere' bura'nenna.

PANGNGEBARANG 12:5

Tau lambusuka nanawa-nawai apa-apa bajika; tau ja'dalaka annipua narancana.

YESAYA 1:3

Sapia naassengi narupa karaenna, keledaia naassengi tampa' pangnganreanna le'baka napasadia karaenna. Mingka ummakKu Israel tena; tena napahangi ke'nanga.”

YESAYA 3:5

Lamassing sijalla'-jallakkangi taua. Tau rungkaya tanajampangiai tau toaya, siagang tau ca'dia tanajampangiai tau lompoa.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

YESAYA 9:18

Sanna' larroNa Batara Kaminang Koasaya, na hukkunganNa rapangi pepe' a'rinra lompo; nampa anjo bansaya napare' kayu tunuang sa'genna cappu' nakanre pepe'. Tena manna sitau angkamaseangi sari'battanna.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 5:4

Kupikkiriki angkanaya, “Ah, anjo ke'nanga poro ra'ya' biasaji bawang tenaya apa-apa naasseng. A'gau' toloi ke'nanga, lanri tanaassengai apa Nakaerokia siagang Natuntuka Karaeng Allata'ala battu ri ke'nanga.

YEREMIA 5:5

Baji'mi nakua'lampa mae ri sikamma tumalompoa, nampa a'bicara siagang ke'nanga. Mattantu naassengi ke'nanga apa Nakaerokia siagang Natuntuka Karaeng Allata'ala battu ri ke'nanga.” Mingka, yangasenna anjo ke'nanga tena todong naero' Niparenta ri Batara; taerokai ke'nanga mannuruki ri Ia.

YEREMIA 6:28

Yangasenna ke'nanga pabali-bali siagang kapala batui, kamma terasa'na tambagaya siagang bassia. Ra'masaki panggaukanna ke'nanga siagang pitijappa-jappai mange-mange appasiara' kabara' balle-balle untu' ampanraki areng baji'na paranna tau.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEREMIA 9:5

Yangasenna massing sitipu-tipui, tenamo a'bicara lambusu'. Biasami bawana a'balle-balle, tanakulleai ambokoi dosana. Tuli kapallakkang, tuli pannipuang nagaukanga tojeng ke'nanga, nasorongboko tojemmi ke'nanga Batara.

YEREMIA 9:8

Sanna' bahayana kana-kananna ke'nanga, akkullei ammuno rapang pana niaka racunna. Poro balle-balle bawang pau-pauna ke'nanga. Te'nei angngalle pa'mai' kana-kananna ke'nanga, mingka sikontutojenna attannanji sikko' ke'nanga.

YEHEZKIEL 8:13

Nampa Nakana Batara ri nakke, “Lanuciniki pole ke'nanga nagaukang apa la'bi appakaringi'-ringika.”

DANIEL 11:27

Nampa anjo ruaya karaeng lammempoi ri se'reang meja sipangnganreang, mingka ja'dalaki lalang nyawana ke'nanga, siagang massing lasiballe-ballei ke'nanga. Mingka lasalasai rancanana ke'nanga lanri tenapa narapiki wattunna.

KAIMANGNGANG 19:11

Teako a'lukakki, annipui yareka a'balle-ballei.

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

LAMPA-LAMPANA 24:9

Amminawang ngaseng tommi sikamma tu Yahudi niaka anjoreng antudui Paulus. Siagang napakkontu tojemmi ke'nanga sikamma anjo apa le'baka napau Tertulus.

ROMA 1:16

Inakke tappa' sikalia' mae ri anjo Kabara' Bajika, lanri iaminjo kabara' kakoasanNa Allata'ala eroka ampasalamaki sikontu tau tappaka; uru-uruna iamintu bansa Yahudia, nampa bansa maraenga pole.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

ROMA 3:13

Sangkamma mami jera' tassungke karro'-karro'na ke'nanga. Sangnging balle-balle mami napau lilana, siagang sangnging pitina mami ri bawana, sanrapang lila ulara' niaka racunna.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

FILIPI 1:28

Paralluko tuli barani; teako mallaki mae ri musu-musunnu. Iaminjo a'jari butti angkanaya ma'nassa lanibetai ke'nanga, na ikau mattantu lammeta, nasaba' KalenNa Allata'ala ampassareangi anjo pammetanga mae ri kau.

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.

YUDAS 1:3

Sikamma sari'battangku sannaka kukarimangnginna! Sanna' dudu erokku annulisi' sura' mae ri kau ngaseng ri passala'na kasalamakkang nitarimayamo. Mingka kamma-kamma anne erokka' kusa'ring ampakaingakko lalang ri anne suraka, sollannu barjuang turus untu' katappakkanta; anjo katappakkanga sikaliji Napassareang Allata'ala sa'genna satunggu-tungguna mae ri Umma'Na.

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

HAKING-HAKING 14:17

Lalanna tuju allo passua'-suarranga tuli angngarru'na bainenna Simson. Na lanri tuli angngarru'na ero' nipauang, ri maka tujuna allona nipauammi ri Simson battuanna anjo tappu-tappuanga. Nampa nakanamo bainenna Simson battuanna anjo tappu-tappuanga mae ri tu Filistin.

HAKING-HAKING 2:10

Nampa mate ngaseng tommi sikontu tau naaganga se're jammang. Mingka ana'-ana' jammang ribokoangannaya tenamo namangngasseng mae ri Batara, nasaba' tanakasiakkai ke'nanga apa le'baka Nagaukang Batara mae ri bansa Israelka.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.