YEREMIA 9:23 - KITTA' MATANGKASA'

²³ Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

YEREMIA 9:23 ပူးပေါင်းရင်းမြစ်များ

AYUB 32:13

Antekamma bateta langkana ngaseng angkana kigappami kacara'dekanga? Lanri tarpassa nibeta ngaseng maki', akkullea ampiali Ayub, Allata'ala bawang.

AYUB 41:15

Kamma pa'lapa' assusung, iaminjo dongko'na rapa' sikali dakki'na, sanrapang batu terasa'na.

PAMMUJI 33:5

Nangai kalambusanga siagang kaadelanga; sikontu linoa rassi siagang pangngamaseanNa.

PAMMUJI 34:3

Erokka' a'lompo-lompo pa'mai' lanri gau'Na Batara; poro Nalangngereki tu nijallakkanga na'jari rannu.

PAMMUJI 44:9

Jari tuli lanipakalompo maKi', ri kambe, siagang tulusu' appala' sukkuru' mae ri Katte.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

PANGNGEBARANG 3:5

Tappakko mae ri Batara sibatu pa'mai', siagang teako na pammahannu bawang nurannuang.

KATO'BA 2:19

Nampa inai akkulle angngassengi angkanaya cara'deki yareka toloi kalenna? Mingka manna antekamma iami lampatangi sikamma wassele' usahaku, ia kugappaya lalang tallasakku ri anne linoa, lanri akkaresoku siagang lanri kacara'dekangku. Jari, anjo sia-sia tonji.

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

YESAYA 10:8

Lanapa'borroangi kalenna, na nakana, “Sikamma panglimaku sangnging karaeng!

YESAYA 20:5

Sikamma tau ampattoangai Sudan siagang angkalompoang pa'maiki Mesir lala'ba ngasengi pa'mai'na siagang laancuruki pa'minasana.

YESAYA 47:10

Nukana kalennu amangko lalang ri kaja'dallannu, nupikkiriki angkana tena niparhatikangi panggaukannu. Nipa'linguko ri kacara'dekannu siagang pangngassengannu, nukapangi angkana tena sangkammannu.

YESAYA 5:21

Cilakako kau tau nukanaya kalennu cara'de' siagang sanna' porenu!

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

YEREMIA 48:14

Antekamma nakkulle barani tu bura'nena Moab angkana, ‘Ikambe tubarani, tantara pore, le'baka niso'ri lalang pa'bundukang?’

YEREMIA 48:7

Moab! Ikau nupattoangi kaporeannu siagang kakalumanynyangngannu. Mingka kamma-kamma anne ikau kalennu lanibetako. Kasmos, rewatanu, siagang sikamma imanga siagang pagawena laniengkaki mae nipela'.

YEREMIA 49:4

He ikau tenaya numajarre' ri pa'mai'! Angngapa nukalompoang pa'maiki sikamma lappara'nu copponga? Apa saba'na nupattoang kammai kakalumanynyangngannu? Antekamma olonu lakkulle angkana tena manna sitau labarani ambundukiko?

YEHEZKIEL 29:9

Mesir la'jari butta sino. Jari nuassemmi angkanaya iNakke Batara.” Nakana Batara, “He karaeng Mesir! Lanri nukanana angkanaya anjo Binanga Nil ikau pata, siagang angkanaya ikau ampareki,

YEHEZKIEL 7:19

Bulaenga siagang peraka lanapelaki ke'nanga ri aganga rapang loro, nasaba' ri allo napa'bettese'na kalarroanNa Batara, anjo bulaenga siagang peraka takkulleai ampasalamaki ke'nanga, ba'lalo ia ngasemmi anjo angngerangi ke'nanga mae ri dosaya. Takkulleai napake ke'nanga untu' ampassukkuki cinnana yareka ambonei battanna ke'nanga.

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

MARKUS 10:24

Lannasa'mi ana'-ana' gurunNa allangngereki anjo apa Napaua Isa. Mingka Nakanamo pole Isa, “Ana'-anakKu, sukkara' memangi taua a'jari umma'Na Allata'ala!

ROMA 1:22

Nakanai cara'de' kalenna, padahala' sikontutojenna toloi.

1 KORINTUS 1:31

Jari, sangkamma tattulisika lalang ri Kittaka, “Inai-nai ero' ampakalompoi pa'mai'na, musti napakalompoi pa'mai'na lanri apa-apa Nagaukanga Batara.”

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.

FILIPI 3:10

Se're-se'reji bawang kukaerokia, iamintu: sollanna akkulle kuasseng Almasi, siagang akkulle kukasia' todong kakoasang le'baka ampabangungi ammotere' battu ri kamateanga. Ero' tonga' amminawang angkasiaki pa'risika siagang Ia, siagang amminawang todong sangkamma Ia ilalang ri kamateanNa.

FILIPI 3:8

Teai sikammaya anjo bawang; mingka yangaseng-ngasenna kucini' a'jari karugiang ngaseng mami. Ia niaka ri nakke kamma-kamma anne lompoangangi anggaranna: iamintu kuassemmi Isa Almasi, Bataraku. Nasaba' Almasi, kubokoi ngasemmi anjo yangaseng-ngasenna. Yangasenna anjo kucini' loro mami, sollanna akkulle kugappa Almasi,

1 TIMOTIUS 6:10

Nasaba' battu ri sipa' cinnayami ri doe' ammumba a'rupa-rupaya kaja'dallang. Nia' sipa'gang tau angngondang dudu doe' siagang tenamo naturuki pangngajarang Karistenga, sa'genna nituju ke'nanga ri jai kasessang angngancurukai atinna ke'nanga.

1 SAMUEL 17:42

Mingka nacini'na Daud nampa naparhatikang, ammakkala'mi Goliat ancau-caui Daud lanri rungka iji na ga'ga nacini'.