YEREMIA 9:22 - KITTA' MATANGKASA'

²² Tassiara'mi mayaka ri kere-keremae sanrapang loro irate ri buttaya; rapang gandung le'baka nikatto nampa nibokoi nampa tenamo nanipasse'rei. Iaminjo pasanNa Batara mustia kukabarrang.”

YEREMIA 9:22 ပူးပေါင်းရင်းမြစ်များ

2 KARAENG-KARAENG 20:13

Nabuntulu'mi Hizkia anjo sikamma tunisuroa, siagang napappicinikammi mae ri ke'nanga sikontu kakalumanynyangnganna, iamintu bulaeng, pera', rampa-rampa siagang minynya' wangi, kammayatompa sikontu pakkakasa' bundu'na tantarana. Tena manna sike'de' apa-apa niaka ri balla' kakaraenganna siagang ri sikontu kakaraenganna tanapappicinikang mae ri ke'nanga.

2 KARAENG-KARAENG 20:15

Akkuta'nammi pole Yesaya angkana, “Apa nacini' ke'nanga ri balla' karaenga?” Appialimi Hizkia angkana, “Yangaseng-ngasenna! Tena manna sike'de' apa-apa niaka lalang ri pammolikang barang-baranna balla' kakaraenganga takupappicinikang mae ri ke'nanga.”

2 KARAENG-KARAENG 9:37

nampa sikamma tassesaya battu ri anjo maya'na latassiaraki sanrapang tai olo'-olo', sa'genna tena manna sitau lakkulle ambatei angkana inai maya' anjo.’ ”

PAMMUJI 49:7

Anjo ke'nanga kakalumanynyangnganna napattoang, siagang napattampo-tampoang pa'barang-baranganna.

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

PANGNGEBARANG 18:11

Mingka tau kalumanynyanga nakana barang-baranna lanjagai kalenna sanrapang tembo' tinggi siagang kassa' ri tammulilina kotaya.

PANGNGEBARANG 23:4

Teako susa dudui kalennu untu' a'jari kalumanynyang. Pammari anjo pattujuang kammanu.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

YEREMIA 6:21

LaKupatatto'roi ke'nanga sollanna tu'guru'. Mangge siagang ana', agang siagang siampi' balla', yangasenna lapanra' ngasengi.”

YEREMIA 7:33

Sikamma maya'na ke'nanga la'jari kanre-kanreangi mae ri jangang-janganga siagang olo'-olo' sekkeka, nampa tena tau ambongkai.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

HABAKUK 1:11

Nampa linta' kamma anging a'lampa ngaseng anjo tau ampare' rewatayai kagassingang kalenna.”

ZEFANYA 1:17

Nakana Batara, “LappabattuA' jai bala mae ri umma' rupataua, sa'genna langngosala' mami ke'nanga rapang tau buta. Dorakami ke'nanga mae ri Nakke, siagang kamma-kamma anne tatumpami cera'na ke'nanga rapang je'ne', siagang maya'-maya'na ke'nanga a'jari botto'mi ri tompo'na buttaya.”

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.