YEREMIA 9:16 - KITTA' MATANGKASA'

¹⁶ LaKupasiaraki ke'nanga mange ri alla'na bansa-bansa tenaya naassengi ke'nanga yareka ri boe-boena ke'nanga. Latulusu' appabattuA' tantara untu' ambunduki ke'nanga sa'genna Kuancuru' taba sikali ke'nanga.”

YEREMIA 9:16 ပူးပေါင်းရင်းမြစ်များ

NEHEMIA 1:8

O, Batara, Kiu'rangi kana-kananTa napabattua Musa saba' parentaTa. Angkanaya, punna ikambe, umma' Israel, amminrai mae ri Katte, laKipasisa'la'-sa'laki mae ri alla'na bansa maraenga.

PAMMUJI 106:27

Turunganna ke'nanga laNapelaki ri alla'na bansa-bansaya siagang laNapasisa'la'-sa'laki ke'nanga ri pa'rasangang maraeng.

KATO'BA 12:5

Mallakko angngambi' ri tampa' tinggia na musti tutuko a'jappa. Uu'nu kebo'mi napakamma uang na nure'resang bangkennu punna a'jappako. Na tappela' ngasemmo sikamma ero'nu siagang cinnanu. A'lampa mangeki' ri tampa' pammantangngang kala'busanta, susa ngasengi taua siagang nakarrukiki' ri aganga.

YEREMIA 13:24

LaKupasisa'la'-sa'lakko rapang awang niirika ri anging battua ri paranga.

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

YEREMIA 25:27

Nampa Nakana Batara ri nakke, “Pabattui mae ri sikamma anjo taua angkanaya iNakke, Batara Kaminang Koasaya, Allata'alana Israel, ansuroi ke'nanga angnginung sa'genna nasa'ring siagang ta'langnge-langnge. Kupakatu'guruki ke'nanga siagang takkulleai ambangung poleang lanri pa'bundukang Kupabattua mae ri ke'nanga.

YEREMIA 29:17

Nakana Batara Kaminang Koasaya, ‘INakke lappabattu pa'bundukang, kacipurang, siagang garring mae ri ke'nanga. LaKugauki ke'nanga sanrapang rappo-rappo ara sannaka botto'na, sa'genna takkullea nikanre.

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEHEZKIEL 11:17

INakke, Batara Kaminang Tinggia, ampaui angkana laKupa'rappungi ke'nanga battu ri sikamma pa'rasangang napammantangia ke'nanga tassiara', nampa Kupoterang butta Israel mae ri ke'nanga.

YEHEZKIEL 12:15

Ri wattunna Kupasisa'la'-sa'la' ke'nanga mange ri tangnga-tangngana bansa-bansaya ri pa'rasangang-pa'rasangang maraenga, lanaassemmi ke'nanga angkana iNakke Batara.

YEHEZKIEL 14:17

Nakulle kapang appabattuA' pa'bundukang ri anjo pa'rasanganga, nakukiring sanjata-sanjata porea untu' ampanraki baji' rupataua kammayatompa olo'-oloka.

YEHEZKIEL 20:23

Anjoreng tommA' ri parang kassika assumpa angkanaya laKupasisa'la'-sa'laki ke'nanga mange ri sikontu linoa,

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

YEHEZKIEL 5:2

Bage tallunna musti nutunui ri tangnga-tangngana anjo kotaya ri wattunna le'ba'mo nikurung anjo kotaya. Bage tallunna pole musti nutattaki siagang pa'dannu nanuinroi anjo kotaya. Nabage tallunna kala'busanga nupasiaraki nai' ri allaka, nampa laKuondang siagang pa'dangku.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

AMOS 5:16

Nakana Batara Kaminang Koasaya, “Ri agang-agang kotaya, lappiraungi siagang lakkunrarengi taua lanri si'nana pa'mai'na. Ba'lalo sikamma pamarria lanikioki untu' amminawang angngarru' siagang sikamma tau nibayaraka untu' angkarruki tau matea.

MIKHA 2:4

Sarennu lanipakei ri taua a'jari piandere', siagang lappareki ke'nanga kelong-kelong kasusaang kammaya anne, ‘Naallemi Batara anne pa'rasanganna ikambe siagang Napassareang mae ri tau antahangai ikambe. Ancuru' taba sikalimi ikambe.’ ”

ZAKHARIA 7:14

Sanrapang anging barubu, Kubarrasaki ke'nanga sa'genna tarpassa ammantang ri sikamma pa'rasangang-pa'rasangang maraenga. Anne butta copponga a'jari sino sikalimi, tena sikali tau ammantang, siagang roso'mi buttana.”

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 32:26

ErokKa' ampa'lanynya' taba sikali ke'nanga, sollanna taniu'rangiamo ke'nanga.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.