YEREMIA 9:12 - KITTA' MATANGKASA'

¹² Akkuta'nanga' angkana, “Batara, angngapa nanibalang parekang anne pa'rasanganga a'jari roso' siagang kalotoro', sangkamma parang luara' tenaya ampanumaloi? Maka nia' akkulle cara'de' untu' ampahangi apa battuanna yangasenna anne? Inai tau le'ba' Kipisingariang sollanna akkulle napatulusu' anjo kasingaranga mae ri tau maraenga?”

YEREMIA 9:12 ပူးပေါင်းရင်းမြစ်များ

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

PAMMUJI 107:43

Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

YESAYA 42:23

Inai ri kau ampilangngeri anne passalaka, siagang amparhatikangi untu' situlusu'na?

YEREMIA 23:10

Pa'rasanganta rassi siagang tau tenaya namajarre' tappa'na mae ri Batara. Ja'dalaki ke'nanga lalang katallassanna siagang napake salai kakoasanna ke'nanga. Lanri pangngalarroinNa Batara, a'jari kalotoroki rukuka ri parang siagang sikontu pa'rasanganga susa ngasengi.

YEREMIA 23:16

Mae ri pandudu'na Yerusalem, Nakana Batara Kaminang Koasaya, “Teako pilangngeri kana-kananna sikamma na'bia, tuli ampabattuangko panrannuang kosong bawang. Pikkirang napare' kalenna bawang ke'nanga anjo napabattua, teai pasangKu.

YEREMIA 23:22

Ebara' angkana naassengi ke'nanga apa takkimbolonga lalang ri pikkirangKu, tantu napabattumi ke'nanga mae ri ummakKu sikontu le'baka Kupau. Nalatoba' ummakKu battu ri dosa-dosana siagang battu ri panggaukang ja'dalaka.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

YEREMIA 9:20

Kukana, “Pilangngeri kana-kananNa Batara he ikau ngaseng tubainea! Pangngajarrangi mae sikamma tulolonnu kelong-kelong karruka, mange ri agang-agannu kelong-kelong kasusaanga.

YEHEZKIEL 14:23

Nampa nupahang tommo angkanaya anjo sikontu tindakangKu nia' alasanna. INakke Batara Kaminang Tinggia anne akkana.”

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

HOSEA 4:10

Langnganreko battu ri koro'bang-koro'bang nipassareanga, mingka tuli lacipuru'na nusa'ring. Lanynyombako mae ri rewata-rewata kacopponganga, mingka tuli tenana nakatambang pandudu'nu, nasaba' nubokoiMa' untu' mange anynyomba ri rewata-rewata maraenga.”

YO"EL 1:11

He pamarria, appiraung mako! He pakoko anggoroka, angngarru' mako! Nasaba' gandung, jelai siagang sikontu wasseleka putta kabusu'mi.

ZEFANYA 3:6

Nakana Batara, “Jaimi bansa le'ba' Kupa'lanynya'; Kuancuruki kota-kotana ke'nanga, siagang tembo'-tembo'na kammayatompa menara-menarana ke'nanga Kupa'jari loro-loroi. Kota-kotana ke'nanga a'jari sinoi tena bonena siagang agang-aganga sino kabusuki.

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

PAOLE 32:29

Apa saba' nanibeta ke'nanga, tena napahangi; tanapahangngai apa anjo kajarianga.

PAPPICINI' 1:3

Maupaki tau ambacayai siagang tau allangngerekai biritta napau la'bi rioloa anne kittaka, kammayatompa nanaturuki apa niaka tattulisi' ilalang. Nasaba' tasalloami nalakajariang ngaseng anne sikammaya.