YEREMIA 8:7 - KITTA' MATANGKASA'

⁷ Manna kondoa naassenji nikanaya ammotere'; bukkuruka siagang jangang-jangang pinisika, kammayatompa pune-punea naassengi wattu pa'lettekanga battu ri tampa'na. Mingka ikau, ummakKu, tanuassengai hukkung-hukkung Kupassareanga mae ri kau.

YEREMIA 8:7 ပူးပေါင်းရင်းမြစ်များ

KELONG MALA'BIRI' 2:12

Ta'bakkara'mi bunga-bunga ri kokoa; battumi wattunna lanicukkuru'; assa'rami bukkuruka ri tampatta.

YESAYA 1:3

Sapia naassengi narupa karaenna, keledaia naassengi tampa' pangnganreanna le'baka napasadia karaenna. Mingka ummakKu Israel tena; tena napahangi ke'nanga.”

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

HABAKUK 1:4

Hukkunga nibawang-bawangngangi siagang kaadelanga tale'bakai nipaenteng. Tau ja'dalaka ammetai mae ri tau lambusuka, siagang kaadelanga niputara' baleki.

ZAKHARIA 5:9

Accini' naika' na nia' kucini' rua baine anri'ba' mae ri nakke. Akka'nyiki ke'nanga na sanna' kassa'na ka'nyi'na, sangkamma ka'nyi'na kondoa. Naallei ke'nanga anjo sumpaeng karanjenga nampa naerang ke'nanga anri'ba'.