YEREMIA 8:6 - KITTA' MATANGKASA'

⁶ Kupilangngerimi baji'-baji', mingka tena nu'bicara ri siratannaya. Tena manna sitau battu ri kau assesse' lalang lanri panggaukang ja'dala'na. Tena nia' angkana, ‘Apa kasalangku?’ Yangasengko poro amminawangko ri oloang pangngainnu rapang jarang a'bakkaya antama' ri pa'bundukanga.

YEREMIA 8:6 ပူးပေါင်းရင်းမြစ်များ

AYUB 10:2

O, Allata'ala, teaKi' salakangia' inakke; Kipisingarianga' angngapa na inakke Kibaliang.

AYUB 34:31

O, Ayub, apaka le'ba'mi numangakui dosanu mae ri Allata'ala? Le'ba' mako a'janji talanugaukangnga pole dosaya?

AYUB 34:32

Le'ba'kami nupala' sollanna nipicinikiangko salanu? Le'ba' mako assumpa angkana lanupamarimi anjo panggaukang kammaya?

PAMMUJI 14:2

Battu ri suruga Naciniki Batara umma' rupataua untu' amboyai tau annabaya siagang anynyombaya ri Ia.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 57:17

Dosa lanri ngoana ke'nanga ampakanassuA', lanri kammana naKuhukkung siagang Kubokoi ke'nanga. Mingka terasa' dudui ulunna ke'nanga na tuli ero'na naturukiang.

YESAYA 59:16

Lannasaki lanri tenana tau maju siagang tenana appattojeng. Jari Napakemi kakoasang KalenNa untu' ampasalamaki siagang assarei ke'nanga pammetang.

YEREMIA 23:25

Sikontu anjo apa napaua na'bi-na'bia Kuassemmi. ArengKu napake ke'nanga a'balle-balle angkanaya natarimai pasangKu ke'nanga lalang so'na.

YEREMIA 3:5

Nukana pole angkanaya tena Kutuli larro mae ri kau. Iaminjo kanannu, he tu Israel, mingka lalang kammana anjo nugaukang tonji kaja'dallang akkullea nugaukang.”

YEREMIA 5:1

He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

YEHEZKIEL 18:28

Nasadarimi sikontu panggaukanna nampa ammari anggaukangi dosaya. Lalang kammana anjo tenamo nalamate, passangalinna tuli lattallasaki.

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

ZEFANYA 3:7

Kupikkiriki angkanaya, ‘Kamma-kamma anne tantu napakalompoMa' ummakKu siagang naparhatikammi sikamma pappakaingakKu. Tantu nau'rangi ke'nanga pangngajarang le'baka Kupassareang mae ri ke'nanga.’ Mingka a'nyatami angkanaya la'bi katambammi panggaukang ja'dala'na ke'nanga na rioloangannaya.

HAGAI 1:5

Coba sai, parhatikangi pattallassannu!

HAGAI 1:7

Tena nusadara' ri kalennu angkanaya angngapai nakajariang anjo kammaya?

MALEAKHI 3:16

Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.

PAPPICINI' 9:20

Mingka anjo tau ammantanga, tenaya nanibunoi ri anjo balaya, tena tompa natoba' battu ri dosa-dosa nagaukanga ke'nanga. Tenapa nammari ke'nanga anynyomba mae ri setang-setanga, siagang mae ri barhala-barhala bulaenga, peraka, tambagaya, batua siagang kayu tenaya nakkulle accini' yareka allangngere', yareka a'jappa.