YEREMIA 8:5 - KITTA' MATANGKASA'

⁵ Mingka angngapa naikau, ummakKu, tulusu' ammengkanu siagang tulusu' a'bokonu ri Nakke? Anna'gala' jarrekko mae ri barhalanu, siagang taerokako ammotere' mae ri Nakke!

YEREMIA 8:5 ပူးပေါင်းရင်းမြစ်များ

PANGNGEBARANG 4:13

Tuli u'rangi ajarang le'baka nutarima battu ri nakke. Jagai anjo baji'-baji', saba' lanri anjo pangngajaraka nalangngerang wassele' tallasa'nu.

YESAYA 1:20

Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”

YESAYA 30:10

Nakana ke'nanga mae ri sikamma na'bia, “Tongkoki bawanu! Teako paui apa annabaya mae ri kambe, mingka ia apa eroka nalangngere' ikambe. Lappassammi ikambe tuli appikkiri' takamma-kamma.

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YEREMIA 14:7

Akkioki ummakKu angkana, ‘Batara manna pole naniutung ikambe ri dosana mingka Kitulungi ikambe situru' janjinTa. A'mole-mole maKi' nibokoi ri kambe; tojeng, dorakami ikambe ri Katte.

YEREMIA 2:32

Maka nia' tulolo angkaluppai belo-belona, yareka bunting baine angkaluppai baju buntinna? Mingka ikau sallo sikaliMa' nukaluppai – takkulleami nirekeng angkana siapami sallona.

YEREMIA 3:5

Nukana pole angkanaya tena Kutuli larro mae ri kau. Iaminjo kanannu, he tu Israel, mingka lalang kammana anjo nugaukang tonji kaja'dallang akkullea nugaukang.”

YEREMIA 5:27

Sanrapang pasoso' jangang-janganga ambonei tampa' jangang-janganna siagang jangang-jangang, kamma tomminjo ke'nanga nabonei balla'na siagang barang-barang wassele', annipuna ke'nanga. Kammaminjo na'jari koasamo siagang akkalumanynyammo ke'nanga

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

YEREMIA 6:17

Nampa a'mole-molemo Batara angngangka' pajaga untu' ampakaingaki ke'nanga sollanna napilangngeri pammateina sa'ra tarompeka. Mingka nakana ummaka, “Taerokai ikambe ampilangngeri.”

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

HOSEA 11:5

Mingka taerokai tu Israel ammotere' mae ri Nakke; lanri kammana anjo musti ammotereki ke'nanga mange ri Mesir, siagang bansa Asyur lamparentai ke'nanga.

HOSEA 11:7

siagang terasa'na nyawana ero' ambokoiA'. Jari lanijallakkangi ke'nanga, mingka tena lakkulle allappassangi ke'nanga manna pole nammarrang ke'nanga appala' tulung.”

HOSEA 13:2

Sa'genna ri kamma-kammaya anne anjo tu Efraim tulusu' a'gau' dosana ija; appareki ke'nanga patung-patung pera' untu' nasomba – iamintu patung nirancanakanga ri akkala' rupataua siagang nipareka ri limanna rupataua. Nakana ke'nanga, “Assareko koro'bang mae ri anne patung-patunga!” Appakalannasa'na, rupataua ambaui patunna ana' sapia!

HOSEA 4:16

Ikau ngaseng, he tu Israel, sanna' kapala batunu ngaseng! Antekamma bateKu langkalawakiko sangkamma gimbalaka ri parang rukuka?”

ZAKHARIA 7:11

Mingka kapala batui ummakKu siagang tena sikali naero' mappilangngeri; natongkoki tolinna ke'nanga sollanna tena nallangngere'.

YOHANES 5:40

Mingka tena ngaseng nuero' battu mae ri Nakke sollanna nugappa katallassang mannannunganga.

1 TESALONIKA 5:21

Yangaseng-ngasenna parallui nuparessa baji'; ia bajika parallui nuturuki.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

PAPPICINI' 2:25

Mingka ri sa'gengKu battu sallang, paralluko tuli angkatutui apa niakamo ri kau.