YEREMIA 8:20 - KITTA' MATANGKASA'

²⁰ Akkioki umma' Israel angkana, “Wattu pakkattoang siagang wattu timoroka allalomi kamma-kamma anne, mingka tena tongngijapa nisalama'.”

YEREMIA 8:20 ပူးပေါင်းရင်းမြစ်များ

PANGNGEBARANG 10:5

Tau cara'deka appa'rappungi kattoang punna narapi' wattunna, mingka tau attinroa bawang ri wattu pakkattoanga, lanapakasiriki kalenna.

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YEREMIA 8:21

Ancuruki pa'maikku lanri garring lompoi bansaku; susama' nakulussa'.

LUKAS 13:25

Ri wattunna ambangung patanna balla' siagang natongko' pakke'bu'na, ammentengko pantaranganna ballaka nanukatto'-katto' pakke'buka nukana, ‘Karaeng, kisungke sai pakke'buka!’ Lappialimi anjo karaenga nakana, ‘Takuassengako angkana tau battu kemaeko!’

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”