YEREMIA 8:2 - KITTA' MATANGKASA'

² teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEREMIA 8:2 ပူးပေါင်းရင်းမြစ်များ

2 KARAENG-KARAENG 17:16

Nadakkai kabusuki sikamma hukkunNa Batara, Allata'alana ke'nanga siagang appareki ke'nanga ruang kayu sapi tambaga untu' nasomba. Appareki ke'nanga patung Dewi Asyera, anynyombai bintoeng siagang mae ri Rewata Baal.

2 KARAENG-KARAENG 21:3

Tampa'-tampa' panynyombanga mae ri rewataya iamintu le'baka naputta Hizkia manggena, nabangungi ammotere'. Ambangungi tampa'-tampa' pakkoro'bangngang untu' anynyomba mae ri Baal, kammayatompa appareki patung Dewi Asyera, sangkamma todong nagaukang Ahab karaeng Israel. Anynyomba tongi Manasye mae ri bintoeng-bintoenga.

2 KARAENG-KARAENG 21:5

Ri anjo ruaya paranglakkenna Balla'Na Batara nabangungi Manasye tampa'-tampa' pakkoro'bangngang untu' anynyomba mae ri bintoeng-bintoenga.

2 KARAENG-KARAENG 23:5

Napasuluki sikamma imang le'baka niangka' ri karaeng-karaeng Yehuda untu' anjamaya ri tampa' panynyombanga mae ri rewata-rewataya ri kota-kota Yehuda siagang ri tammulilina Yerusalem; kammayatompa imang assarea koro'bang mae ri Baal, mataalloa, bulanga, kammayatompa bintoeng-bintoenga na maraengannaya.

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

PAMMUJI 83:10

Gau' kammami ke'nanga tu Midian, sangkamma Sisera siagang Yabin ri Binanga Kisyon,

PAMMUJI 83:11

le'baka niancuru' ri Endor, na'jari pupu' ri butta.

KATO'BA 6:3

Manna pole nania' sibilangngang ana'na se'rea tau, siagang attallasaki sa'genna toa umuru'na, mingka tena namate'ne nakasia' siagang tena todong nanggappa pa'jerakkang siratannaya; jari turu' panggappaku, bajikangngangi sarenna ana' lolo matea ri lassu'na kala sarenna anjo taua.

YEREMIA 14:16

Sikamma tau antarimaya anjo sikamma botona ke'nanga lanibuno kamma tongi anjo carana. Lanipasambilai maya'na ke'nanga mange ri sikamma agang-aganga ri Yerusalem natena antarawangi ke'nanga. Kammami anjo sarenna ke'nanga siagang tubai'-bainena siagang ana'na ke'nanga. LaKusarei ke'nanga angkasiaki apa kale'bakkanna kaja'dallanna ke'nanga.”

YEREMIA 16:11

Pauangi ke'nanga angkanaya kammai anne kanangKu, ‘Le'ba'Ma' nabokoi boe-boenu untu' a'lampa mange anynyomba siagang assambayang ri rewata-rewata maraenga. Nabalang parekangA' siagang taerokai ke'nanga mannuruki ri paratorang-paratorangKu.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

YEREMIA 19:13

Sikontu balla' niaka ri Yerusalem siagang sikontu balla' karaenga ri Yehuda lanipa'jari rantasaki sangkamma Tofet; lanri irate ri tompo'na sikamma anjo ballaka le'ba'mi taua attunu dupa untu' rewata-rewata ri langi', siagang assare koro'bang anggoro' untu' rewata-rewata maraeng.”

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YEREMIA 25:33

Ri anjo alloa maya' tunibunoa ri Batara latassiaraki ri sikontu tompo'na buttaya. Tena nalanikarruki ke'nanga, tena todong nalaniangka' untu' nitarawang, passangalinna lanibalang parekangi bawang ri buttaya sangkamma pa'gompoang loro.

YEREMIA 31:40

Sikontu anjo ka'bung lapparaka, nipakea a'jari pa'jerakkang siagang tampa' pammelakkang loro, kammayatompa sikontu kokoa ri birinna Binanga Kidron sa'genna mange ri Pakke'bu' Lompo Jarang a'lampa anrai', lanisa'laki untu' iNakke. Kota Yerusalem tenamo nalaniruntungi yareka tenamo nalaniancuruki.”

YEREMIA 36:30

Lanri kammana anjo, iNakke, Batara, akkana ri kau, he Karaeng Yoyakim, angkanaya tena manna sitau battu ri jari-jarinu lammarenta salaku karaeng jari-jarina Daud. Maya'nu lanipasambilai assulu', nitaba ri bambang allo ri wattu singara'na alloa, siagang nituju ri saliu' dinging ri wattunna bangngi.

YEREMIA 9:20

Kukana, “Pilangngeri kana-kananNa Batara he ikau ngaseng tubainea! Pangngajarrangi mae sikamma tulolonnu kelong-kelong karruka, mange ri agang-agannu kelong-kelong kasusaanga.

YEREMIA 9:21

Antama'mi kamateanga ri tontonganga, annarrusu' antama' ri balla' karaenga; nabakkai ana'-anaka ri aganga kammayatompa turungkaya ri paranga.

YEREMIA 9:22

Tassiara'mi mayaka ri kere-keremae sanrapang loro irate ri buttaya; rapang gandung le'baka nikatto nampa nibokoi nampa tenamo nanipasse'rei. Iaminjo pasanNa Batara mustia kukabarrang.”

YEHEZKIEL 29:5

Nampa ikau siagang sikontu anjo jukuka Kupasambilako mange ri parang kassika. Latattappasaki kalennu naung ri buttaya siagang ammonrang mako anjoreng. Tena manna sitau lantarawangko. Tubunu laKupassareangi mae ri jangang-janganga siagang olo'-olo' maraenga untu' nakanre.

YEHEZKIEL 39:5

Anjo sikamma tantaraya latu'guruki na mate ri koko-kokoa. INakke, Batara Kaminang Tinggia, anne akkana.

YEHEZKIEL 6:5

Lakupatassiaraki maya'-maya'na tu Israel; siagang buku-bukunna ke'nanga laKupabene-benei ri tammulilina anjo tampa'-tampa' pakkoro'bangnganga.

YEHEZKIEL 8:16

Nieramma' mange ri paranglakkeng bageang lalangnganna Balla'Na Batara. Ri ampi'na pakke'bu' antamaya ri kamara' matangkasaka, ri alla'na tampa' pakkoro'bangnganga siagang loronga, nia' tau ruampulo allima jaina. Nabokoi ke'nanga kamara' matangkasaka, siagang su'juki ke'nanga a'dalle' anrai' anynyomba mae ri mataallo ammumbaya.

ZEFANYA 1:17

Nakana Batara, “LappabattuA' jai bala mae ri umma' rupataua, sa'genna langngosala' mami ke'nanga rapang tau buta. Dorakami ke'nanga mae ri Nakke, siagang kamma-kamma anne tatumpami cera'na ke'nanga rapang je'ne', siagang maya'-maya'na ke'nanga a'jari botto'mi ri tompo'na buttaya.”

ZEFANYA 1:5

LaKubarrasaki sa'genna tangkasa' inai-nai mamo naika ri pattongko'na ballaka untu' anynyomba ri matanna alloa, bulanga siagang sikamma bintoenga. LaKupa'lanynya' tongi ke'nanga anynyombaya mae ri Nakke siagang assumpaya lamajarre' mae ri Nakke, mingka assumpa tongi lanri arenna Rewata Milkom.

LAMPA-LAMPANA 7:42

Jari nibokoimi ke'nanga ri Allata'ala siagang nibalang parekammi ke'nanga anynyomba mae ri sikamma bintoeng-bintoeng niaka ri langika. Sicoco'mi anjo siagang apa niaka tattulisi' lalang ri kitta'na na'bi-na'bia. Kammaminne tattulisika, ‘E ikau tu Israelka! Teai untu' iNakke nanusamballe siagang nukoro'bangkang olo'-oloka ri wattunna patampulo taung ri parang lompoa.

PAOLE 17:3

siagang parentaNa Karaeng Allata'ala lanri anynyombana siagang napare' atana kalenna mae ri rewata-rewata maraenga, yareka mae ri mataalloa, bulanga yareka bintoenga.

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.