YEREMIA 7:34 - KITTA' MATANGKASA'

³⁴ Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

YEREMIA 7:34 ပူးပေါင်းရင်းမြစ်များ

AYUB 3:7

Boli'mi kamma bangngia rassi siagang sassang, tena passikarimangngi, tena karannuang.

PAMMUJI 78:63

Turungkana ke'nanga nikanrei ri pepe'; tena ambuntingi tulolonna ke'nanga.

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

YEREMIA 16:9

Pilangngeri anne eroka Kupau ri kau, iNakke Batara Kaminang Koasaya, Allata'alana Israel. Sa'ra rannuna siagang kakkala'na anjo passua'-suarrang pa'buntinganga laKupammari ngasengi. Anjo sikammaya lanacini' ngasengi sikamma tau attallasaka ri anne jammannu.

YEREMIA 22:6

Untu' iNakke, anjo balla' karaenna karaeng Yehuda ga'ga sikali, sangkammai ga'gana butta Gilead siagang moncong-moncong Libanon; mingka anjo tampaka laKupa'jari sangkamma parang lompo tenaya nanipammantangngi ri tau.

YEREMIA 25:10

Sikamma sa'ranna tau a'rannu-rannua siagang passua'-suarranna pa'buntinganga laKupammari. Latenamo minynya' lampunna ke'nanga, siagang lacappu'mi gandunna ke'nanga.

YEREMIA 27:17

Teako pilangngeri ke'nanga! Manyara mako ri karaeng Babel, sollannu salama'. Untu' apa namusti ancuru' anne kotaya?

YEREMIA 33:10

Nakana Batara, “Nakana taua anne tampaka sangkammai parang lompo, tena tau siagang olo'-olo' ammantang anjoreng. Anjo kananna ke'nanga memang annabai, nasaba' kota-kotana Yehuda siagang agang-aganga ri Yerusalem kosong ngasemmi; tena tau yareka olo'-olo' ammantang anjoreng.

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

YEREMIA 4:26

Butta copponga a'jari parang kalotoro'mi, ancuru'mi kotaya tassimbung-simbung, lanri tamaka larroNa Batara mae ri umma'Na. (

YEREMIA 4:27

Napaui Batara angkanaya sikontu linoa la'jari parang lompoi, mingka tena nalaNapanraki taba sikali.)

YEREMIA 44:6

Iaminjo saba'na naKutumpa lussakKu siagang pangngalarroingKu mae ri kota-kota Yehuda siagang agang-aganga ri Yerusalem. Yangasenna Kutunui sa'genna a'jari loro-loro siagang kalotoro' sangkamma akkullea nicini' kamma-kamma anne.

PIRAUNG 5:14

Tenamo nasse're tau toaya ri pakke'bu' lompona kotaya, tenamo nilangngere' musi' battu ri tau rungkaya.

YEHEZKIEL 26:13

LaKupammari sikontu kelong-kelonnu siagang sa'ra kacapinnu.

YEHEZKIEL 7:11

Kasekkekanga pila' lappakajai kaja'dallang. Sikontu kakalumanynyangnganga, kalompoanga siagang kaporeanga ia niaka ri ke'nanga lala'busuki tena sikali bate-batena.

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

HOSEA 2:13

LaKuhukkungi lanri napakei allo-alloa untu' attunu dupa mae ri Rewata Baal, kammayatompa namodei kalenna siagang belo-belo untu' angngondangi sikamma tanring-tanrinna, nampa nakaluppai taba sikaliMa'. INakke, Batara, anne akkana.”

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

MIKHA 7:13

Mingka buttaya la'jari kalotoroki lanri kaja'dallanna pandudu'na.

PAPPICINI' 18:23

Tenamo nalaccini' taua singara' lampu lalang ri kau; siagang tena tommo lanilangngere' passua'-suarrang pa'buntingang antureng. Sikamma padanggannu kaminang pore ri lino, siagang nutipumi sikontu bansaya ri lino siagang pangngassengang bale'-bale' matanu!”