YEREMIA 7:20 - KITTA' MATANGKASA'

²⁰ INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

YEREMIA 7:20 ပူးပေါင်းရင်းမြစ်များ

2 KARAENG-KARAENG 22:17

Le'ba'Ma' nabokoi ke'nanga siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang tena nakkulle nipanaung larroKu.

YESAYA 10:17

Allata'ala matangkasaka, Cayana Israel, la'jari pepe' angkanreai sikamma apa niaka lalang siallo bawang, ba'lalo sikamma rompo' katintinga.

YESAYA 42:25

Jari nikasia'mi pangngalarroi heba'Na, sessa maki' lanri pa'bundukang lompo. PangngalarroinNa rapangi pepe' angkanrei Israel, mingka taniassengai kalenta, siagang tena nippilajara' battu ri apa le'baka nikasia'.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

YEREMIA 11:16

Le'baki Kuareng ke'nanga poko' zaitun coppong leko'na, rassi siagang rappo-rappo baji'. Mingka, kamma-kamma anne lalang sa'ra gamarrung lompo laKutunu ngasengi leko'na siagang laKutepo' ngasengi tangke-tangkenna.

YEREMIA 12:4

Siapapi sallona kalotoro' anne pa'rasanganga, siagang kalumeng rukuka ri tunggala' kokoa? Matemi jangang-janganga siagang olo'-olo' maraengannaya lanri kaja'dallanna bansana ikambe. Nakana ke'nanga, angkanaya talakucinikai sarenna ke'nanga.”

YEREMIA 14:16

Sikamma tau antarimaya anjo sikamma botona ke'nanga lanibuno kamma tongi anjo carana. Lanipasambilai maya'na ke'nanga mange ri sikamma agang-aganga ri Yerusalem natena antarawangi ke'nanga. Kammami anjo sarenna ke'nanga siagang tubai'-bainena siagang ana'na ke'nanga. LaKusarei ke'nanga angkasiaki apa kale'bakkanna kaja'dallanna ke'nanga.”

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 17:4

Latarpassai nupassareang tampa' le'baka Kupassareang mae ri kau, siagang laKupa'jariko ata mae ri musunnu ri pa'rasangang tena sikalia nuassengi. LaKugaukang ngasengi anjo sikammaya lanri allumpana larroKu rapang pepe' a'rinra tenaya nakkulle nibuno pepe'na.”

YEREMIA 18:23

Mingka iKatte, o Batara, Kiassengi sikontu apa narancanakanga ke'nanga untu' angngallei nyawaku. Lanri kammana anjo, teaKi' pammopporangngi ke'nanga; teaKi' lu'luki kasalanna ke'nanga. Kitunrungi ke'nanga sa'genna tu'guru'. Angngalle maKi' tindakang mae ri ke'nanga lanri larroTa.”

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 44:6

Iaminjo saba'na naKutumpa lussakKu siagang pangngalarroingKu mae ri kota-kota Yehuda siagang agang-aganga ri Yerusalem. Yangasenna Kutunui sa'genna a'jari loro-loro siagang kalotoro' sangkamma akkullea nicini' kamma-kamma anne.

YEREMIA 6:11

Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

YEREMIA 6:12

Balla'na ke'nanga lanipassareangi mae ri tau maraenga, kammayatompa sikamma kokonna siagang bainenna ke'nanga. LaKuhukkungi pandudu'na anne pa'rasanganga.

YEREMIA 8:13

Ero' duduA' ampasse'rei ummakKu rapang tau ampasse'reai wassele' buttana. Mingka, ummakKu rapangi poko' anggoro' siagang poko' ara tenaya rapponna, ba'lalo manna leko'na kalumeng ngasemmi. Iaminjo saba'na naKukellaimo bansa maraenga battu siagang nakoasai pa'rasanganna ke'nanga. INakke, Batara, anne akkana.”

PIRAUNG 4:11

Napa'betteseki larroNa Batara na Natunu Kota Sion sa'genna sillappara' buttaya.

YEHEZKIEL 22:22

Sangkamma pera' nipassolonga lalang ri pattunuanga, kammatommi anjo batena lanipassolong ke'nanga ri Yerusalem. Jari naassemmi ke'nanga angkanaya iNakke, Batara, ampabattui pangngalarroingKu mae ri ke'nanga.”

YEHEZKIEL 7:12

Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

YEHEZKIEL 7:14

Assa'rai tarompeka siagang sadia-sadia ngasemmi taua. Mingka tena manna sitau la'lampa mange ri tampa' pa'bundukanga, lanri sikontu taua nituju kabusuki ri pangngalarroinNa Allata'ala.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

ZEFANYA 1:2

Nakana Batara, “LaKuputtai sikontu-kontuna apa niaka ri tompo'na buttaya:

ZEFANYA 1:3

sikontu rupataua siagang olo'-oloka kammayatompa jangang-janganga siagang juku'-jukuka. Tau ja'dalaka laKupaccappuki. Sikontu rupataua laKupanraki. Manna sitau tania' laKukellai attallasa'. INakke, Batara, anne akkana.

ZAKHARIA 7:12

Napatterassangi atinna ke'nanga sa'genna a'jari sanrapang batu terasa'na. Teai sipato' larroKu lanri tenana naero' ke'nanga mannuruki ri ajarang-ajarang le'baka Kupassareang mae ri ke'nanga tete ri sikamma na'bia riolo.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

PAPPICINI' 14:10

anjo taua langnginungi anggoro'Na Allata'ala, iamintu anggoro' pangngalarroinNa le'bakamo nipanaung ri pangnginunganna; manna sike'de' tena nalanipakurang anjo anggoro' pangngalarroia! Yangasenna anjo taua lanisessai lalang ri pepeka siagang bara a'rinraya ri dallekanna malaeka'-malaeka' matangkasaka siagang ri dallekanNa anjo Ana' Gimbalaka.