YEREMIA 6:9 - KITTA' MATANGKASA'

⁹ Nakana Batara Kaminang Koasaya, “Lanipa'jari gondoloki Israel sa'genna lanynying sanrapang koko anggoro' lanynyinga rapponna le'ba' nialle ngaseng. Lanri kammana, ilalang nia'na ija wattu, pasalamaki niaka tassesa.”

YEREMIA 6:9 ပူးပေါင်းရင်းမြစ်များ

YEREMIA 11:23

Le'ba'mi Kupattantu wattunna untu' ampaturungi balaya mae ri tu Anatot, siagang punna battumo wattu hukkunganna ke'nanga, manna sitau tania' lata'lappasa'.”

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

YEREMIA 49:9

Punna angngattili' taua rappo anggoro', tuli nia' naboli' nasesa, siagang punna battu palukkaka ri wattu bangngia, iaji naalle apa nakaerokia.

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”

PAPPICINI' 14:18

Le'baki anjo, nia'mo pole se're malaeka' maraengang, iamintu malaeka' makoasaya ri pepeka, battu ri tampa' pakkoro'bangnganga. Akkio' lompomi mae ri anjo malaeka' anna'galaka kandao tarang angkana, “Soeammi kandaonu nanukere' ngaseng sikontu rapponna anggoroka ri buttaya, nasaba' ti'no' ngasemmi rapponna!”