YEREMIA 6:7 - KITTA' MATANGKASA'

⁷ Antekamma batena timbuseng je'neka tuli appasulu' je'ne', kamma tomminjo anjo kotaya tuli appa'niaki kaja'dallang. Poro kabara' kapallakkang siagang pangngellakkang bawang Kulangngere' battu ri anjo kotaya; kemae-kemae Kucini' lokoka siagang garringa.

YEREMIA 6:7 ပူးပေါင်းရင်းမြစ်များ

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

YESAYA 1:6

Battu ri cappa' ulunnu sa'genna pala' bangkennu tenamo baji'-baji' ri kalennu. Akkambang-kambang ngaseng kalennu, rassi bate cambo' siagang bokka'-bokka'. Anjo bokka'-bokka'nu tenapa nale'ba' nitangkasi siagang niroko', tena tompa naniballei siagang minynya'.

YESAYA 57:20

Mingka tau ja'dalaka rapangi tamparang a'bombanga siagang tenaya nale'ba' sannang. Lo'loro'na angngerangi loro siagang peo'.

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.

YEREMIA 30:12

Nakana Batara ri umma'Na: “Garrinnu teai sipato' sanna'na, untu' loko'nu tena pa'ballena.

YEREMIA 30:13

Tena manna sitau ero' angngusahai sollannu ammolle battu ri garrinnu, tena pa'balle untu' lattannu, tena panrannuannu la'jari baji'.

YEREMIA 30:15

Tea' mako akkunrarengi pole ri passala'na bokka'-bokka'nu, nasaba' tena panrannuang ri kau untu' lakkulle ammolle. Kuhukkung kammako anjo lanri jaina dosanu siagang lompona kasalannu.

YEREMIA 32:31

Appakkaramula ri wattu nibangunna anne kotaya, napakanassu duduMa' pandudu'na. Le'ba'mi Kupattantu untu' laKupanraki ke'nanga,

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?

YEHEZKIEL 21:29

Anjo paccini' nucinika iamintu paccini' balle-balle, siagang anjo boto nupaua boto balle-balle todong. Ja'dalakko siagang dorakako, nampa wattu hukkungang kala'busannu a'reppese'mi. Anjo pa'danga lanapolongi kallonnu.

YEHEZKIEL 24:7

Anjoreng ri kotaya kajariangi pammunoanga, mingka cera'na tena nata'bene naung ri buttaya, passangalinna nai' ri batu terasaka, sa'genna takkullea nitambungi.

YEHEZKIEL 45:9

Nakana Batara Kaminang Tinggia, “He sikamma patugasa' pamarentana Israel, angganna'mi dosa-dosanu! Pamarimi anjo tindakannu appaero'-eroka siagang anjallakkangai ra'yaka. Gaukammi apa annabaya siagang adeleka. Tea sikaliko bongkai pole ummakKu battu ri tampa'na ke'nanga. INakke, Batara Kaminang Tinggia, amparentakangi anjo mae ri kau.

YEHEZKIEL 7:11

Kasekkekanga pila' lappakajai kaja'dallang. Sikontu kakalumanynyangnganga, kalompoanga siagang kaporeanga ia niaka ri ke'nanga lala'busuki tena sikali bate-batena.

YEHEZKIEL 7:23

Sikontu pa'rasanganga a'jari ricui; kemae-kemae nia' pammunoang siagang kapallakkang.

ZEFANYA 3:1

Nitunrai Yerusalem, kota ja'dalaka nangaia angngewa ri Batara siagang anjallakkangi pandudu'na pa'rasangang kalenna!