YEREMIA 6:3 - KITTA' MATANGKASA'

³ sikamma pamarentaya lakkemai anjoreng siagang tantarana. Lanapasangi tenda-tendana ke'nanga ri tammulilina anjo kotaya, ri tampa' massing nangaia ke'nanga.

YEREMIA 6:3 ပူးပေါင်းရင်းမြစ်များ

2 KARAENG-KARAENG 24:2

Appabattui Batara garombolang-garombolang angngeranga sanjata battu ri Babel, Siria, Moab siagang Amon untu' angngewai Yoyakim siagang angngancuruki Yehuda, situru' apa le'baka Nakanang tete ri sikamma na'bi-na'bia atanNa.

YEREMIA 12:10

Jai pamarenta bansa maraeng le'ba' ampanraki koko anggorokKu siagang angngonjo'-onjokangi sikamma kokongKu. Pa'rasangang ga'gaKu napinrai a'jari parang luara' sinoa.

NAHUM 3:18

He karaenna pa'rasangang Asyur! Matemi sikamma guburnurnu, siagang sikamma bupatinu tinro tulusu'mi satunggu-tungguna. Ra'ya'nu tassia'-siara'mi ri moncong-monconga, natena manna sitau akkulle angngerangi ke'nanga ammotere'.

LUKAS 19:43

Nia' sallang se're wattu nabattu musunnu ampangngalakkiko ri tammulilinu; lanakurungko ke'nanga, siagang lanabundukiko battu ri sikontu oloang niaka ri tammulilinu.