YEREMIA 6:23 - KITTA' MATANGKASA'

²³ Sanjatana ke'nanga iamintu pana siagang poke; sanna' palla'na ke'nanga natena pangngamaseanna. Rapang bombang a'jalloka, kammaminjo sa'ra bangkeng jaranna nadongkokia untu' maju a'bundu', ambuccuki Yerusalem.”

YEREMIA 6:23 ပူးပေါင်းရင်းမြစ်များ

YESAYA 10:32

Anne alloa nia'mi musua ri kota Nob, siagang anjoremmi ke'nanga ampanaiki panja'guru'na mae ri Bulu' Sion, mae ri kota Yerusalem.

YESAYA 13:18

Pana siagang anrong pana napake ke'nanga anbunoi sikamma tau rungkaya. Tena nasayangi ke'nanga ana' loloa siagang tena nakamaseangi ana'-anaka.

YESAYA 17:12

Para gegere'mi sikamma bansa kassaka; ammarrummi sa'ranna rapang arrunna bombang lompoa.

YESAYA 19:4

LaKupassareangi Mesir mae ri se'rea karaeng pallaka ammarenta siagang jekkonga. INakke, Batara Kaminang Makoasaya, anne le'ba' akkana kamma.”

YEREMIA 25:32

Nakana Batara Kaminang Koasaya, “Battu ri cappa'-cappa'na buttaya a'gamarrung anging lompoa; bala lompo antujui bansaya tasse're-se're.”

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

YEREMIA 4:16

Napakaingaki ke'nanga bansa-bansaya siagang napabattuangi pandudu'na Yerusalem angkanaya nia'mi battu bella mae musua. La'gora-gorai ke'nanga ero' ambunduki kota-kota Yehuda

YEREMIA 4:29

Nilangngere'mi sa'ra jaina pasukang a'jaranga siagang angngeranga pana, nasiposoimo taua ri palaria. Romanga napantamakki ke'nanga, bulu' batua naambi'. Sikontu kotaya a'jari sino ngaseng, tenamo tau ero' ammantang anjoreng.

YEREMIA 5:16

siagang sanna' ngaseng baranina tukang panana; pallaki siagang tena pangngamaseanna ke'nanga ammuno.

YEREMIA 50:41

Se'reang bansa kassa' nia' a'gio' battu wara' ri pa'rasangang bellaya. Battui ke'nanga siagang jai karaeng untu' a'bundu'.

YEREMIA 50:42

Sanjatana ke'nanga iamintu pana siagang poke; pallaki natangngassenga appammopporang. Rapang sa'ra tamparang a'gamarrung kammami anjo sa'ra bangkeng jaranna ke'nanga nipalaria maju ambunduki Babel.

YEREMIA 6:4

Lanakana ke'nanga, “Umba, nakipparuru untu' ambunduki Yerusalem! Umba nanibuccuki anne alloa!” Mingka lanakana pole ke'nanga, “Ai, tarlambakki'! Appakkaramulami battu sassanga, appakkaramulami kacinikang taun-taunta.

YEREMIA 8:16

Nia'mi musua ri kota Dan; kalangngerammi sa'ra jaranna ke'nanga, na sikontu bonena pa'rasanganga a'jari malla' ngasemmi. Battumi musua untu' angngancuruki sikontu pa'rasanganta, kammayatompa sikontu kota-kotata siagang sikontu pandudu'na.”

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.