YEREMIA 6:2 - KITTA' MATANGKASA'

² Sanna' ga'gana kota Sion, mingka laNiancuruki ri Batara;

YEREMIA 6:2 ပူးပေါင်းရင်းမြစ်များ

YESAYA 1:8

Yerusalem mami ammantang, mingka anjo kotaya nikulilingimi ri musu, tenamo kullena; rapang mami balla' koko ca'di ri koko anggoroka, yareka balla' kepo-kepo ri koko bonteka.

YEREMIA 4:31

Allangngereka' sa'ra kunrareng rapang baine eroka ammana'; rapang baine lolo allassukanga ana' bungasa', kammaminjo karru'na Yerusalem siagang sukkara'na a'mai'. Akkaeng-kaengi limanna nakkunrareng, angkana, “Bala kugappa – lanibunoa' ri musua!”

PIRAUNG 2:1

Nagaukangi Batara larroNa, nitongkoki Sion ri sassang. Kala'biranna Israel rapang langika tinggina, Napatappasa'mi naung ri buttaya. Ri wattu larroNa Batara, manna Balla'Na ri Sion taNajampangi.

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.

PIRAUNG 4:5

Ia ke'nanga angkasiaki kanre-kanre nyamanga, siagang sannanga ri katallassanna, anne kamma akkadangkang mami a'boya kanre ri pattambunganna loroa, na mate cipuru' ri agang-aganga.

PAOLE 28:56

Ba'lalo manna baine bija karaenga siagang kaminang baji' pa'maika kammayatompa sannaka kalumanynyanna sa'genna tale'bakai a'jappa bangkeng, lappanggaukang kamma todong. Ri wattunna nalipung musua kotaya, latappu' minasami anjo bainea lanri cipuru'na, sa'genna nakanre cokko-cokkomo ana'na beru lassuka siagang campugina. Tena manna sike'de' napassareang mae ri bura'nenna nangaia yareka mae ri ana'-ana'na.