YEREMIA 6:10 - KITTA' MATANGKASA'

¹⁰ Appialia' angkana, “Batara, inai musti kupa'bicarai, siagang inai musti kupappakaingakki? Kapala batui ke'nanga siagang taerokai mappilangngeri. Nakakkali siagang nakabirisi ke'nanga pasanTa kupabattua mae ri ke'nanga.

YEREMIA 6:10 ပူးပေါင်းရင်းမြစ်များ

PAMMUJI 1:2

mingka masarro nangai anggaukangi parentaNa Batara nanawa-nawa allo bangngi.

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

PAMMUJI 119:174

Nakkuki pa'maikku mae ri kasalamakkang battua ri Katte, hukkunTa ampakarannui pa'maikku.

PAMMUJI 119:24

Paratorang-paratoranTa a'jari pappakaingakku ia ampakasannangi pa'maikku.

PAMMUJI 119:35

Poro manna'gala' jarreka' mae ri parentaTa, lanri iaminjo pangngaingku.

PAMMUJI 119:70

Sikamma anjo taua tena napahangi, mingka untu' inakke anjo hukkunTa appakasannangi pa'mai'.

PAMMUJI 119:77

Kikamaseanga', nakutuli attallasa', lanri hukkunTa napakasannangi pa'maikku.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

KALAPPASSANG 6:12

Kammaminjo naNasuromo Batara anjo Musa siagang Harun mange ampabattui mae ri bansa Israel siagang mae ri Karaeng Mesir angkanaya nisarei tugasa' ke'nanga ri Batara untu' ampimpingi anjo bansa Israelka assulu' battu ri Mesir.

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

YESAYA 53:1

Appiali anjo bansaya nakana, “Inai tappa' ri apa le'baka nalangngere' ikambe? Inai le'ba' nipa'nyatang koasaNa Batara?

YEREMIA 4:4

Ta'gala' jarreki janjinnu siagang iNakke, Batara, siagang sa'laki kalennu untu' iNakke, he pandudu' Yehuda siagang Yerusalem. Punna tena, lallumpai larroKu siagang la'rinrai rapang pepe' tenaya nakkulle nibuno manna pole ri nai. Yangasenna anjo kammaya lanatujuko lanri panggaukang-panggaukang ja'dala'nu.”

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEREMIA 7:13

MangKu pole a'mole-mole a'bicara mae ri kau, mingka taerokako mappilangngeri. Nugaukang ngasengi sikamma anjo dosaya, siagang taerokako appiali punna akkiokKa'.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEHEZKIEL 3:7

Mingka bansa Israel taerokai ampilangngeriko, ba'lalo manna iNakke tena todong naero' ke'nanga ampilangngeriA'. Kapala batu ngasengi ke'nanga siagang nangai angngewaya.

YEHEZKIEL 33:3

Punna naciniki anjo pajagaya battu musua, lappasa'rai pammatei tanra bahaya, sollanna tutu kabusu' taua.

YEHEZKIEL 33:9

Punna nupakaingaki anjo tau ja'dalaka nampa taeroka ammari a'gau' ja'dala', lamatei salaku tau doraka, mingka ikau kalennu lasalamakko.”

AMOS 7:10

Amazia, iamintu imang ri Betel, akkiringi laporang kamma anne mae ri Yerobeam karaeng Israel, “Assikongkoloki Amos siagang ra'yaka untu' angngewaki' karaeng. Kana-kananna nakompa-kompai ra'yaka untu' angngancuruki anne pa'rasanganga.

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

LUKAS 11:45

Nia'mo kalase'renna guru agama angkana ri Isa, nakana, “Pa' Guru, Kihina-hinai tommaki' anne ikambe, lanri akkana kammaTa!”

LUKAS 20:19

Naassengi guru-guru agamaya siagang imang-imang kapalaya angkanaya kalenna ke'nanga Napitujui Isa anjo pangngebaranga. Jari ero'mi ke'nanga anjakkalaki Isa anjo wattua. Mingka mallaki ke'nanga ri anjo tau jaia.

YOHANES 7:7

Tena olonu lanakabirisi anne linoa. Mingka iNakke nakabirisi memangA' anne linoa, lanri tuli Kupauanna anne linoa angkanaya ja'dalaki panggaukanna.

YOHANES 9:40

Nia' siapa are tu Farisi anjoreng allangngereki akkana kamma anjo Isa; jari akkuta'nammi ke'nanga ri Ia angkana, “Jari Nukana buta ngaseng tongki' anne mae?”

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

LAMPA-LAMPANA 7:60

Nampa akkulantu' siagang ammarrang lompo, nakana, “O Batara, teaKi' patanggongiangi anne dosaya mae ri ke'nanga.” Le'baki akkana kamma, matemi Stefanus.

ROMA 7:22

Atingku lalang nangai apa-apa Napassuroanga Allata'ala,

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

2 TIMOTIUS 4:3

Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.