YEREMIA 52:4 - KITTA' MATANGKASA'

⁴ lanri kammana anjo battumi Karaeng Nebukadnezar siagang sikontu tantarana nampa nabunduki Yerusalem ri tanggala' sampulo bulang sampulo ri taung makasalapang pamarentahanna Zedekia. Ambangungi ke'nanga pattahangngang ri pantaranna kotaya, ambangungi tembo' pakkurung,

YEREMIA 52:4 ပူးပေါင်းရင်းမြစ်များ

YESAYA 29:3

LaNabunduki Allata'ala anjo kotaya siagang laNatammulili battu ri kabusu'na kabattuanga.

YEREMIA 21:2

“Appalakko pitunju' battu ri Batara untu' ikatte, nasaba' nikurummi kotata ri Nebukadnezar karaeng Babel siagang pasukanna. Gassingka lappa'niaki gau' malompo Batara untu' ikatte, na Napassa Nebukadnezar ampamonoki ammotere' pasukanna.”

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEREMIA 34:1

Ri wattunna Nebukadnezar karaeng Babel siagang pasukanna nibantua ri pasukang-pasukang battu ri sikontua bansa siagang bansa tunduka irawanganna, battumi ambunduki Yerusalem siagang kota-kota niaka ri tammulilina, a'bicarami Batara mae ri nakke.

YEREMIA 39:1

Ri bulang sampulo ri taung makasalapang ri pamarentahanna Zedekia karaeng Yehuda, Nebukadnezar karaeng Babel siagang sikontu tantarana battumi siagang nabundukimi Yerusalem.

YEREMIA 4:17

siagang lanatammulili Yerusalem rapang tau akkammika koko. Nakajariang ngaseng anjo sikammaya lanri tu Yehuda nabaliangi Batara. Le'ba'mi a'bicara Batara.

YEREMIA 52:7

nirumbammi tembo'na kotaya ri musua. Anjo bangngia, manna pole nasitabang nakurung tu Babel anjo kotaya, sikontu tantara Yehuda lari mange ri Lappara'na Yordan. Anjorengi ke'nanga ri koko balla' karaenga angngolo, nampa assulu' battu ri pakke'bu' lompoa ampasisambungai ruaya tembo' ri anjo tampaka.

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

YEHEZKIEL 21:27

Anne kotaya laKuancuru' taba sikali, sa'genna kemae-kemae nia' loro-loro. Mingka anjo passalaka nampami kajariang punna anjo tau Kupilea untu' anghukkungi anne kotaya battumi. Mae ri ia laKupassareang anne kotaya.’ ”

YEHEZKIEL 26:8

Pandudu'na sikontu kotaya ri bontoa lanibunoi lalang pa'bundukanga anjo. Musua langngekei kaloro'-kaloro' pattahangngang, appare' tembo'-tembo' pakkurung siagang anynyusung pannangkisi'-pannangkisi' lompo untu' napake ke'nanga salaku pattahangngang angngewako.

YEHEZKIEL 33:21

Ri tanggala' lima bulang sampulo, lalang taung makasampulo anrua ri wattu nipela'na ikambe, nia' sitau akkulle ta'lappasa' battu ri Yerusalem; battui angngerang kabara' ri nakke angkanaya tu'guru'mi kota Yerusalem.

YEHEZKIEL 40:1

Anjo wattua tanggala' sampulo bulang se're, lalang taung makaruampulo allima ri wattu nipela'na ikambe, iamintu sampulo angngappa' taung ri le'ba'na nibeta Yerusalem, kupisa'ringimi kakoasanNa Batara, nampa Naeranga' a'lampa.

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”

LUKAS 19:43

Nia' sallang se're wattu nabattu musunnu ampangngalakkiko ri tammulilinu; lanakurungko ke'nanga, siagang lanabundukiko battu ri sikontu oloang niaka ri tammulilinu.

LUKAS 21:20

“Punna nucini' sallang nitammulili kota Yerusalem ri surudadu, lanuassemmi angkanaya tasalloami nalaruntung anjo kotaya.