YEREMIA 51:60 - KITTA' MATANGKASA'

⁶⁰ Sikontu bala eroka antujui Babel siagang passala' maraengannaya mae ri anjo pa'rasanganga le'ba'mi kutulisi' lalang ri se're kitta' nigulunga.

YEREMIA 51:60 ပူးပေါင်းရင်းမြစ်များ

YESAYA 30:8

Nasuroa' Allata'ala ancataki kaja'dallanna umma'Na lalang se'rea kitta', a'jari pappiu'rangi untu' satunggu-tungguna.

YEREMIA 36:32

Langngallea' kitta' nigulung beru, nampa kupassareang mae ri Barukh juru tulisikku. Nampa lanatulisiki sikontu apa kupaua mae ri ia, iamintu bonena anjo kitta' nigulung makase'rea, siagang nitambai siapa are pole pasang sangkammaya anjo.

YEREMIA 51:1

Nakana Batara, “LappabattuA' anging pammanraki, ammirika mae ri Babel siagang mae ri pandudu'na.

YEREMIA 51:61

Nampa kukana ri Seraya, “Punna battuko sallang mange ri Babel, usahakangi sollanna sikontu apa niaka tattulisi' lalang ri anne kittaka akkullei nibacakang mae ri tau niaka anjoreng.

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

PAPPICINI' 1:19

Lanri kammana, tulisi' ngasengi sikamma apa-apa nucinika, iamintu apa-apa niaka ri kamma-kammaya anne, siagang apa-apa lakajarianga sallang.