YEREMIA 51:47 - KITTA' MATANGKASA'

⁴⁷ Patappaki, angkanaya lanarapiki wattunna laKuhukkung barhala-barhalana Babel. Sikontu anjo pa'rasanganga lanihinai, siagang sikontu pandudu'na lanibunoi.

YEREMIA 51:47 ပူးပေါင်းရင်းမြစ်များ

YESAYA 21:9

Ciniki, anjomi ke'nanga! Pasukang a'jarang ta'rua-rua a'gimbara' battu. Nampa nakabarrammo anjo pajagaya angkana, “Runtummi Babel! Patung-patung napakalompoa ke'nanga ancuru'mi tassia'-siara' ri buttaya.”

YEREMIA 11:22

Lanri kammana anjo, Nakanamo Batara Kaminang Koasaya, “LaKuhukkungi ke'nanga! Sikamma tau rungkana ke'nanga lamatei lalang pa'bundukang, lamate cipuruki ana'-ana'na ke'nanga.

YEREMIA 13:21

Apa lanukana sallang punna sikamma tau nupare' aganga ambetako siagang angkoasaiko? Tantu lapa'risiki nusa'ring rapang baine eroka ammana'.

YEREMIA 23:34

Punna kalase'renna ummakKu yareka na'bi yareka imang a'bicara iji ri passala'na ‘pisangnganNa Batara’, ia siagang kaluargana laKuhukkungi.

YEREMIA 25:12

Le'baki anjo laKuhukkungi bansa Babel siagang karaenna lanri dosana ke'nanga. LaKuruntungi pa'rasangang Babel siagang Kubalang parekangi ancuru' sa'genna satunggu-tungguna.

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEREMIA 51:18

Anjo barhala-barhalaya tena anggaranna, siratangi nicau-cau siagang nihina. Punna narapi' sallang wattunna, lapanra' ngasengi ke'nanga

YEREMIA 51:24

Nakana Batara, “Kalennu anciniki kamma-kamma anne antekamma batena Kubalasa' mae ri Babel siagang pandudu'na sikontu kaja'dallanna ke'nanga, iamintu nagaukanga mae ri Yerusalem.

YEREMIA 51:43

Kota-kotana a'jari tampa' appakamalla'-mallaki, rapang parang lompo kalotoroka. Tena tau ero' ammantang yareka allalo anjoreng.

YEREMIA 51:52

Jari, parhatikangi anne kanangKu. Lanarapiki sallang wattunna nalaKuhukkung barhala-barhalana Babel. Ri sikontu anjo pa'rasanganga lania' kalangngerang sa'ra tau akkunrareng lanri loko' sanna'.