YEREMIA 51:32 - KITTA' MATANGKASA'

³² Tampa' pa'limbangnganga niallemi ri musua, siagang sikamma tampa' pattahangnganga nitunumi. Silingu-linguimi tantara Babel.

YEREMIA 51:32 ပူးပေါင်းရင်းမြစ်များ

YESAYA 44:27

INakke angkana mae ri tamparanga: esakko! INakke ampa'jari kalotoroki sikamma binanganu.

YESAYA 47:14

Ciniki, rapangi ke'nanga rarame nakanrea pepe'; takkulleai napasalama' kalenna ke'nanga! Ta'lalo bambanna anjo pepeka mae ri ke'nanga, teai pepe' kammu' untu' a'binrung.

YEREMIA 51:30

Ammarimi tantara Babel a'bundu', siagang ammantammi ri sikamma pattahangnganga. Tenami kabaranianna ke'nanga siagang tenamo pakkullena. Sikamma pakke'bu' lompona kotaya le'ba' ngasemmi nirumbang, siagang sikamma ballaka le'ba'mi nitunu.

YEREMIA 51:31

A'le'basa'-le'basa'mi lari tunisuroa mange ampauangi karaeng Babel angkanaya nibundukimi kotana battu ri kere-keremae.

YEREMIA 51:33

Tasalloami nanibeta ke'nanga siagang nionjo'-onjokang ri musua rapang gandung ri tampa' panggilinganga. INakke, Batara Kaminang Koasaya, iamintu Allata'alana Israel, anne akkana.”

YEREMIA 52:7

nirumbammi tembo'na kotaya ri musua. Anjo bangngia, manna pole nasitabang nakurung tu Babel anjo kotaya, sikontu tantara Yehuda lari mange ri Lappara'na Yordan. Anjorengi ke'nanga ri koko balla' karaenga angngolo, nampa assulu' battu ri pakke'bu' lompoa ampasisambungai ruaya tembo' ri anjo tampaka.