YEREMIA 51:25 - KITTA' MATANGKASA'

²⁵ He Babel, ikau rapangko moncong ampanrakiai sikontu linoa. Mingka iNakke, Batara, angngewako. LaKupasintakko siagang Kugulungko nampa Kubalang parekangko nikanre ri pepe' a'jari au.

YEREMIA 51:25 ပူးပေါင်းရင်းမြစ်များ

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.

YESAYA 13:2

Pakapeki sikamma bandera pa'bundukannu ri coppo'na bulu' a'gondoloka! Akkiokko mae ri sikamma tantaraya, panaiki limannu sollanna maju ke'nanga anrumbangi pakke'bu' lompoa kota tampoa anjo.

YEREMIA 25:12

Le'baki anjo laKuhukkungi bansa Babel siagang karaenna lanri dosana ke'nanga. LaKuruntungi pa'rasangang Babel siagang Kubalang parekangi ancuru' sa'genna satunggu-tungguna.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 50:25

Kusungkemi gudang sanjataKu, siagang lanri larroKu naKupasulu'mo anjo sikamma sanjataKu, lanri iNakke Batara Kaminang Tinggia siagang Kaminang Koasaya, nia' tugasa' musti Kugaukang ri Babel.

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.

YEREMIA 51:53

Manna pole nakkulle Babel nai' ri langika siagang ambangung pattahangngang takkullea nirapi', mingka tuli laKupabattuna taua untu' ampanraki. INakke, Batara, anne akkana.”

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”

YEREMIA 51:7

Riolo Babel rapangi cangkiri' bulaeng Kuta'gala' ampa'jari sikontu linoa nasa'ring. Bansa-bansaya angnginungi anggoro' battu ri cangkirika, sa'genna a'jari pongoro' ke'nanga.

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

ZAKHARIA 4:7

Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, ‘Tamaka ga'gana!’ ”

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

PAPPICINI' 8:8

Nampa napasa'ra tarompe'na malaeka' makaruaya; nia'mo apa-apa sanna' lompona, kammaya nicini' bulu' a'rinra-rinraya, nipasambilaya antama' ri tamparanga. Amminrami a'jari cera' bage talluna tamparanga,