YEREMIA 51:21 - KITTA' MATANGKASA'

²¹ Kupakeko untu' angngancuruki jaranga siagang pabaena, kammayatompa karetana siagang tau a'dongko'na.

YEREMIA 51:21 ပူးပေါင်းရင်းမြစ်များ

PAMMUJI 46:9

Umba, ciniki apa le'baka Nagaukang Batara; tamaka lompona bate pare'Na ri lino!

PAMMUJI 76:6

Sikamma tubarania nialleammi apa-apanna; tattappasa'mi naung talambangunga pole. Sikamma surudadu porena tappela' ngasemmi kagassinganna.

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

KALAPPASSANG 15:21

Akkelommi Miryam, nirurungang ri rabana; na nakana kelong-kelonna, “Akkelongko mae ri Batara, saba' le'ba'mi ammeta lompo. Sikontu jaranga siagang tu'baena nipasambila ngaseng antama' ri tamparang.”

KALAPPASSANG 15:4

Tantara Mesir siagang sikontu karetana nipasambilai antama' ri tamparang. Perwira-perwira tantarana kaminang gammaraka tallangi naung ri Tamparang Alara'.

YESAYA 43:17

Nasuroi tantaraya siagang sikamma perwirana a'bundu', na maju ke'nanga siagang kareta nirenreng ri jarang. Mingka tu'guruki ke'nanga, takkuleami ambangung poleang, matemi ke'nanga rapang sulo mateamo rinrana.

YEREMIA 50:37

Ancuruki jaranna siagang kareta bundu'na! Ancuruki sikamma tantara nisewana! Tamaka lammana ke'nanga! Ancuruki kakalumanynyangnganna Babel! Alleangi barang-baranna!

YEHEZKIEL 39:20

Ri mejangKu akkullei ke'nanga nabassori battanna siagang sikontu tau a'jaranga siagang jaranna, kammayatompa sikontu pasukang tu baranina. INakke, Batara Kaminang Tinggia, anne akkana.”

MIKHA 5:10

Kota-kota niaka pattahanganna ri pa'rasangannu laKuancuruki, siagang sikontu pattahangannu laKuruntungi.

NAHUM 2:13

Nakana Batara Kaminang Tinggia, “INakke anne musunnu. LaKutunui kareta-karetanu sa'genna cappu'. Lamatei tantaranu lalang ri pa'bundukanga, siagang laKuallei battu ri kau sikontu apa le'baka nualle battu ri tau maraenga. Sikamma apa natuntuka tunisuronu tenamo lanilangngere'.”

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

ZAKHARIA 10:5

Lammetai pandudu'na Yehuda sangkamma pejuang-pejuang angngonjo'-ngonjokangi musunna rapang butta peo' ri aganga. Labarjuangi ke'nanga lanri iNakke, Batara ambantuai ke'nanga; siagang lanabetai ke'nanga sikamma musu a'dongko' jaranga.

ZAKHARIA 12:4

Anjo alloa laKupa'jari lingu ngasengi jaranga siagang pabaena Kupa'jari pongoroki; laKujagai pandudu'na Yehuda, mingka Kupa'jari butai sikontu jaranna musunna.

PAPPICINI' 19:18

Maeko angkanrei assinna ngaseng karaenga, panglimaya, siagang assinna tau rewaya; maeko angkanrei assinna sikamma padongko' jaranga siagang jaranna ngaseng, kammayatompa assinna sikontu rupataua, tau lompo yareka tau ca'di, ata yareka tau bebasa'!”