YEREMIA 51:20 - KITTA' MATANGKASA'

²⁰ Nakana Batara, “Babel, ikau rapangko palu-palu, sanjataKu untu' a'bundu'. Kupakeko antunrungi bansa-bansaya siagang sikamma kakaraenganga.

YEREMIA 51:20 ပူးပေါင်းရင်းမြစ်များ

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 13:5

Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

YESAYA 37:26

Tale'bakapi nulangngere' angkanaya yangasenna anjo apa le'baka kajariang apa le'ba' memammo Kurancana battu riolo? Nampa kamma-kamma anne iNakke anggaukangi. INakke assareko koasa untu' angngancuruki kota-kota niaka pattahanganna a'jari rumbangang.

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

YESAYA 8:9

Annekkere' mako nu'rappungang, he sikontu bansaya! Pilangngeri he sikamma cappa'-cappa' buttaya! Sadiako untu' a'bundu', mingka siagang pa'mai' annekkereka! Iyo, sadia-sadiako, mingka lalang malla'nu!

YEREMIA 25:11

Sikontu anne pa'rasanganga laKubalang parekangi ancuru' siagang a'jari sino. Bansa-bansa niaka ri tammulilina la'jari atai mae ri karaeng Babel tujupulo taung sallona.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 50:23

Sikontu pa'rasanganga nitunrungi ri Babel sa'genna ancuru', mingka kamma-kamma anne tepo'mi anjo pattunrunna! Sikontu bansaya ta'bangkai allangngereki apa kajarianga mae ri anjo pa'rasanganga.

YEHEZKIEL 21:11

Anjo pa'danga tuli nikantisiki sollanna tuli sadia nipake nampa nipassareang mae ri sitau pabuno tau.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

MIKHA 4:12

Mingka tanaassengai anjo bansa-bansaya angkanaya apa Narancanakang Batara. Tanaassengai kalenna ke'nanga angkanaya nipakkumpuluki ke'nanga untu' nihukkung, rapang gandung nipasse'rea untu' nipatunrung.

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

NAHUM 2:1

He Niniwe, pilangngeri! Nia'mi battu eroka ampanrakiko! Jagai tembo'-tembo' pattahangnganga! Jannangngi aganga! Sadiako untu' a'bundu'. (

ZAKHARIA 10:4

Battu ri tangnga-tangngana ke'nanga laKupilei tukoasaya, pamimpinga, siagang panglima lammarentaya ri ummakKu.”

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.