YEREMIA 51:18 - KITTA' MATANGKASA'

¹⁸ Anjo barhala-barhalaya tena anggaranna, siratangi nicau-cau siagang nihina. Punna narapi' sallang wattunna, lapanra' ngasengi ke'nanga

YEREMIA 51:18 ပူးပေါင်းရင်းမြစ်များ

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

YESAYA 2:18

Sikamma barhalaya lalanynya' tabasikali.

YESAYA 46:1

Iaminne kale'bakkanna rewata-rewata Babel; riolo nisombai patung Bel, siagang Nebo, mingka kamma-kamma anne nipatekeki ri olo'-olo' a'jari erangang mae ri olo'-olo' posoa.

YESAYA 57:12

Mingka Kupauangko angkanaya, anjo kabajikannu anu nupare'-pare', na sikontu panggaukannu tena matu-matunna mae ri kalennu.

YEREMIA 10:11

Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

YEREMIA 10:14

Nacini'na ngaseng anjo sikammaya sadara'mi rupataua, angkanaya ia dongoki siagang tena pammahanna. Sikamma panre bulaenga siri'-siri' ngaseng, nasaba' anjo patung barhala bate pare'na anu palusu' siagang tena na'nyawa.

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

YEREMIA 10:8

Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

YEREMIA 18:15

Mingka ummakKu takkaluppami ri Nakke, nampa attunu dupa untu' barhalaya. Tatto'roi ke'nanga ri oloang mustia naolo ke'nanga riolo dudu, nampa ammengka ri oloang tenayapa nanilappari.

YEREMIA 46:25

Batara Kaminang Koasaya, iamintu Allata'alana Israel, Nakana, “LaKuhukkungi Amon, rewata battua ri Tebe, siagang sikontu Mesir kammayatompa rewata-rewatana siagang sikamma karaenna. Karaeng Mesir siagang sikontu tau ampattoangai

YEREMIA 48:7

Moab! Ikau nupattoangi kaporeannu siagang kakalumanynyangngannu. Mingka kamma-kamma anne ikau kalennu lanibetako. Kasmos, rewatanu, siagang sikamma imanga siagang pagawena laniengkaki mae nipela'.

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEHEZKIEL 6:6

Sikontu kota Israel laniancuruki, sikontu tampa' pakkoro'bangnganga siagang barhalaya lalicaki, sikamma pa'dupaanna latassimbung-simbungi, kammayatompa sikamma apa napareka ke'nanga latappelaki.

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.