YEREMIA 51:16 - KITTA' MATANGKASA'

¹⁶ Poro assareji bawang parenta, nammarrummo je'neka battu ri passimbanga. Battu ri cappa'na buttaya Napabattui rammanga, nampa Napare' kila' tassioroka lalang ri bosia, na Napabattu anginga battu ri pammolikanna.

YEREMIA 51:16 ပူးပေါင်းရင်းမြစ်များ

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

AYUB 37:13

Appaturungi Allata'ala bosi untu' ambasai buttaya, yareka untu' anghukkungi umma' rupataua; gassing tongi untu' Napappicinikang mae ri ke'nanga, antekamma tuli lompona pangngamaseanNa satunggu-tungguna.

AYUB 38:22

Le'bakkako mange angkunjungi gudang-gudangKu tampa' je'ne' eska siagang je'ne' batua,

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

PAMMUJI 104:7

Punna Kiga'gara', a'lo'loroki anjo je'neka, a'lo'loro' kancang lanri arrunna sa'ranTa.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

PAMMUJI 147:18

Nampa lanri parentaNa nassolong anjo eska; napammiriki anginga, nampa a'lo'loro'mo je'neka.

PAMMUJI 18:13

Battu ri kila' niaka ri dallekanna, assuluki rammanga, bosi a'batu siagang pepe'.

PAMMUJI 46:6

Ammantangi Allata'ala anjoreng, jari talapossokami anjo kotaya; laNatulungi ri wattu ammumbana alloa.

PAMMUJI 68:33

Makkelongko mae ri Allata'ala, he sikamma kakaraengang, akkelongko lagu-lagu pammuji mae ri Batara,

PAMMUJI 78:26

Nasuroi ammiri' anging battu rayaya; lanri koasaNa mammiriki anging battu timboroka.

KALAPPASSANG 10:13

Naangka'mi Musa takkanna nampa appa'nia'mo Batara anging battu raya ammiri' ri anjo pa'rasanganga sila'busu'na alloa siagang sila'busu'na bangngia. Lanarapiki bari'basaka, angngerammi katimbang anjo anginga,

KALAPPASSANG 10:19

Jari Napinrami Batara lampana anjo anginga a'jari anging battu lau', ia sannaka kancanna. Niirikammi ri anging anjo sikontu katimbanga nampa nierang mange ri Tamparang Alara'. Manna sikayu tania' ammantang ri sikontu pa'rasangang Mesir.

KALAPPASSANG 14:21

Nampa napajonjomo limanna Musa ri tompo'na tamparanga, nampa appabattumo Batara anging battu raya ammiri' sanna' kancanna, sa'genna ammunduru'mo je'ne' tamparanga. La'busu' bangngi ammiri' anjo anginga, siagang napinrami anjo tamparanga a'jari butta kalotoro'.

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

AMOS 9:7

Nakana Batara, “He umma' Israel, Kuparhatikangi tu Sudan sangkamma batenu Kuparhatikang. Kuerangi tu Filistin battu ri Kreta siagang tu Siria battu ri Kir sangkamma ikau Kuerangko battu ri Mesir.

YUNUS 1:4

Naungi Yunus ri tampa' kaminang irawaya nampa anra'ba anjoreng, sa'genna jannang tinrona. Nampa appabattu Batara anging lompo naung ri tamparanga, sa'genna lompo bombanga antunrungi anjo kappalaka a'biring niancuru'. Teaimi sipato' malla'na ana' kappalaka siagang akkiok-kio'mi ke'nanga appala' tulung, massing-massing mae ri rewatana ke'nanga. Sollanna tena natallang kappalaka, napela'mi sipa'gang luranna kappalaka antama' ri tamparanga.

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”