YEREMIA 51:14 - KITTA' MATANGKASA'

¹⁴ Batara Kaminang Koasaya assumpai lanri areng KalenNa angkanaya lappabattui tau rapang katimbang jaina untu' ambunduki Babel, siagang akkio'-kioki ke'nanga napakamma rannu lanri ammetana.

YEREMIA 51:14 ပူးပေါင်းရင်းမြစ်များ

PAMMUJI 105:34

Lanri parentaNa, battui katimbanga, teai sipato' jaina, takkulleai nirekeng jaina.

YEREMIA 44:26

Mingka kamma-kamma anne pilangngeri apa Kupaua mae ri kau, he tu Israel niaka ri Mesir: INakke, Batara, assumpA' lanri arengKu mala'birika, angkanaya tenamo naKupa'biangko ampakei arengKu untu' appare' janji. Takkulleako angkana, ‘Assumpa' lanri Allata'ala mattallasaka!’

YEREMIA 46:23

siagang ambattasaki romang lompo tenaya nakkulle nipantamakki. Tantara musua takkulleai nibilang siapa jaina, la'bi jaiangngangi nakatimbanga. INakke, Batara anne akkana.

YEREMIA 49:13

AssumpA' lanri areng KalengKu angkanaya kota Bozra la'jari tampa' appakamallaki, nibokoia ri taua. Lanikakkali ri taua siagang lanapakei arenna a'jari kana pattunra. Sikontu desaya niaka ri tammulilina la'jari rumbangngang kabusuki sa'genna satunggu-tungguna. INakke, Batara, anne akkana.”

YEREMIA 50:15

Ammarrangko akkio' bundu' ri tammulilina anjo kotaya! Kamma-kamma anne manyarami Babel. Tembo'-tembo'na le'ba'mi nilappo siagang niruntung. Kamma-kamma anne Kugaukangi pa'balasaka mae ri Babel. Lanri kammana anjo gaukammi mae ri ke'nanga sangkamma nagaukanga ke'nanga mae ri tau maraenga.

YEREMIA 51:27

“He karaeng niaka battu wara'! Assare mako pammatei untu' maju! Pasa'rai tarompeka sollanna allangngere' bansa-bansaya! Pagioki sikontu bansa-bansaya untu' mange a'bundu' angngewai Babel! Suroi kakaraengang Ararat, Mini, siagang Askenas untu' maju. Angkaki sitau panglima untu' ampimpingi anjo pa'bundukanga. Pagioki jaranga sanrapanga katimbanga jaina.

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

IBRANI 6:13

Ri wattunna a'janji Allata'ala mae ri Abraham, assumpai angkanaya laNarupai anjo apa Napa'janjianga. Nasaba' tenamo tinggiangang na Allata'ala, jari assumpami lalang areng KalenNa.

HAKING-HAKING 6:5

Pila' sanna' jaina tu battu angngerangi olo'-olo'na siagang appare'mi kema ke'nanga, sanna' jaina. Punna lanirekengi sanna' sikali jaina ke'nanga, kammayatompa onta-ontana ke'nanga sanna' todong jaina. Battumi ke'nanga ampanra'-panraki anjo pa'rasanganna tu Israel.