YEREMIA 51:11 - KITTA' MATANGKASA'

¹¹ Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

YEREMIA 51:11 ပူးပေါင်းရင်းမြစ်များ

1 KARAENG-KARAENG 11:14

Napa'jarimi Batara anjo Hadad, sitau turungang karaeng Edom, ammusui Karaeng Salomo.

1 KARAENG-KARAENG 11:23

Napa'jari tommi Allata'ala anjo Rezon, ana'na Elyada ammusui Salomo. Rezon iamintu ata laria battu ri karaenna iamintu Karaeng Hadadezer battu ri Zoba.

1 PATTOTTORANG 5:26

Lanri kammana anjo Napagio'mi Allata'ala atinna Karaeng Pul battu ri Asyur, sa'genna mange ke'nanga ambunduki anjo pa'rasanganga. Anjo Karaeng Pul nigallara' tongi Karaeng Tiglat-Pileser. Nampa naerammo suku Ruben, Gad, siagang suku Manasye, niaka ri bageang rayanganna Binanga Yordan, a'jari tunitahang nampa nipela' mange ri butta Halah, Habor, Hara, siagang ri se'reang tampa' ri ampi'na Binanga Gozan. Anjoremmi ke'nanga ammantang tuli sa'genna anne alloa.

2 PATTOTTORANG 36:22

Ri taung makase're ammarentana Kores, karaeng Persia, Napa'rupami Batara apa le'baka Napau tete ri Na'bi Yeremia. Napagioki nyawana Karaeng Kores untu' appasulu' sura' parenta, nibacaya ri sikontu daera kakaraenganna. Kammaminne bonena anjo suraka:

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

YESAYA 10:26

INakke, Batara Kaminang Makoasaya, lancamboki ke'nanga siagang cambo', kamma le'ba'na Kupangngajari tu Midian ri bulu' batu Oreb. LaKuhukkungi Asyur, sangkamma le'ba'na Kuhukkung Mesir.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 21:5

Nia' todong kucini' parjamuang pa'rannu-rannuang, ia le'baka memammo nipasadia; sadia tommi empoanga untu' sikamma undanganga. Angnganre angnginungi ke'nanga. Ti'ring nia'mo kalangngerang parenta angkana: “He, sikamma perwiraya! Pasadia ngasengi pa'lapa' barambannu!”

YESAYA 41:25

Nia'mo sitau Kupagio' battu raya: Kukioki untu' a'bakka battu wara'. Sikamma tukoasaya lanaonjo'-onjokangi rapang peo', rapang papare' uring butta angngonjo'-onjokang butta pi'.

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YESAYA 46:11

AkkioKa' sitau tukoasa battu raya, battu rapang sikayu jangang-jangang sekke' untu' anggaukangi kaputusangKu. Apa Kupaua mattantu laKugaukangi, apa Kurancanakanga mattantu laKurupai.

YEREMIA 46:3

“Perwira-perwirana tantara Mesir ammarrangi untu' ampasadiai pasukanna nakana, ‘Pakatarangi pokea! Pakei baju bassia siagang topi bajaka. Pasadiai pa'lapa' barambannu siagang antamako ri barisanga! Ikau, pasukang a'jaranga, patabai linta' pa'lapa' jarannu! Dongkoki jarannu, nampa majuko a'bundu'!’

YEREMIA 46:9

A'lumbako, he jarang! A'giokko, he kareta! Majuko, he tubarani angngeranga pannahang, battua ri Sudan siagang Libia. Kamma todong ikau, he sikamma tucara'deka ammake sanjata pana, battua ri pa'rasangang Lidia.’ ”

YEREMIA 50:25

Kusungkemi gudang sanjataKu, siagang lanri larroKu naKupasulu'mo anjo sikamma sanjataKu, lanri iNakke Batara Kaminang Tinggia siagang Kaminang Koasaya, nia' tugasa' musti Kugaukang ri Babel.

YEREMIA 50:3

Nia' se're bansa battu wara' labattu ambunduki Babel, siagang ampa'jari anjo pa'rasanganga kamma parang kalotoro'. Taua siagang olo'-oloka lalari, siagang tenamo ero' ammantang anjoreng.”

YEREMIA 50:45

Lanri kammana anjo, pilangngeri apa le'baka Kurancanakang mae ri kota Babel, siagang apa ero' Kugaukang mae ri pandudu'na. Manna ana'-ana'na ke'nanga lanire'resang todong a'lampa, na kabusu'na taua a'jari malla' ngasengi.

YEREMIA 50:9

LappagiokKa' siapa are jaina bansa kassaka battu wara' sollanna nabunduki Babel. Langngatoroki ke'nanga barisang untu' a'bundu' angngewai Babel na nabeta. Anjo ke'nanga tau cara'de' ammake sanjata pana, tenaya nale'ba' tassala batena ammana.

YEREMIA 51:12

Assareko tanra untu' maju ambunduki tembo'-tembo'na Babel. Pakajarreki pa'jaganga. Appa'niakko pajaga. Apparuruko untu' maju a'bakka!” Napa'rupami Batara apa le'baka Narancanakang mae ri tu Babel.

YEREMIA 51:24

Nakana Batara, “Kalennu anciniki kamma-kamma anne antekamma batena Kubalasa' mae ri Babel siagang pandudu'na sikontu kaja'dallanna ke'nanga, iamintu nagaukanga mae ri Yerusalem.

YEREMIA 51:35

Pandudu'na Sion, paumi angkana, “Dasi-dasi nanituju Babel ri kapallakkang sangkammaya nagaukanga mae ri katte!” Pandudu'na Yerusalem, paumi angkana, “Dasi-dasi nanituju Babel ri kapa'risang sangkammaya napabattua mae ri katte!”

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

DANIEL 5:30

Anjo memang bangngia nibuno memammi anjo Belsyazar karaeng Babel.

YO"EL 3:10

De'deki mata pa'jekonu a'jari pa'dang, siagang berang pa'battasa'nu a'jari badi'. Kammayatompa tau lammaya musti angkanai, ‘Akkullea' a'bundu' sangkamma tantaraya!’

YO"EL 3:9

Pa'la'bangi pabattu anne passalaka mae ri bansa-bansaya, angkanaya: Sadiako untu' a'bundu siagang ampa'lappoi kagassingannu! Pagioki sikamma tubaraninu siagang tuporea karenanna; passe'rei sikontu tantaraya, siagang maju mako!

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

ZAKHARIA 14:12

LaNapabattui Batara garring appakamalla'-mallaka mae ri sikontu bansa le'baka a'bundu' angngewai Yerusalem. Matanna siagang lilana ke'nanga, ba'lalo sikontu batangkalenna la'jari bottoki lalang attallasa'na ija ke'nanga.

ZAKHARIA 14:2

LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.