YEREMIA 5:9 - KITTA' MATANGKASA'

⁹ Maka tena namusti Kuhukkung bansa kammaya anjo siagang Kubalasa' apa le'baka nagaukang ke'nanga?

YEREMIA 5:9 ပူးပေါင်းရင်းမြစ်များ

PANGNGEBARANG 6:29

Anjo sangkammai bahayana siagang assikatinroanga siagang bainenna tau maraenga. Inai-nai anggaukangi takkulleai ta'lappasa' battu ri hukkunganga.

YESAYA 1:24

Lanri kammana anjo Nakanamo Batara Kaminang Koasaya, Allata'alana Israel: “He, musu-musungKu, la'balasakA' mae ri kau, sa'genna tenamo nanususaiA' pole.

YESAYA 57:6

Jari siratangko appasse're batu-batu laccu' battu anjoreng. Iaminjo bageannu! Ia tomminjo batu-batua nutiriki anggoro'nu nusare gandung. Nukapangi angkana sannangA' anciniki yangasenna anjo kammaya?

YEREMIA 32:31

Appakkaramula ri wattu nibangunna anne kotaya, napakanassu duduMa' pandudu'na. Le'ba'mi Kupattantu untu' laKupanraki ke'nanga,

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEREMIA 5:29

Mingka iNakke, Batara, langhukkungi ke'nanga lanri yangasenna anjo sikammaya; laKubalasaki sikamma panggaukanna anne bansaya.

YEREMIA 6:11

Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

YEREMIA 6:6

Le'ba'mi Naparentakang Batara Kaminang Koasaya anjo sikamma pamarentaya sollanna anna'bang poko'-poko' kayu nampa appaenteng pattahangngang ri sikamma bulu'-buluka untu' antammulili Yerusalem. Nakana Batara, “LaKuhukkungi anne kotaya lanri jai sikali panggaukang anjallakkang ilalang.

YEREMIA 9:8

Sanna' bahayana kana-kananna ke'nanga, akkullei ammuno rapang pana niaka racunna. Poro balle-balle bawang pau-pauna ke'nanga. Te'nei angngalle pa'mai' kana-kananna ke'nanga, mingka sikontutojenna attannanji sikko' ke'nanga.

YEREMIA 9:9

Antekamma anjo bansa kammaya taKupitujui hukkungang siratanga? LaKubalasaki panggaukanna ke'nanga; iNakke, Batara, anne akkana!”

PIRAUNG 3:42

“Dorakami anne ikambe siagang angngewai mae ri Katte, o Batara, na tena Kipamopporangi ikambe.

PIRAUNG 4:22

Le'ba'mi najappai Sion hukkunganna lanri dosa-dosa nagaukanga ke'nanga; kamma-kamma anne tenamo nalaNibalang parekang ikambe ri Batara na tenamo kilaNierang pole mange ri pammelakkanga. Mingka ikau Edom, laNihukkungko ri Batara. Lanisungkei sikamma dosa-dosanu.

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

HOSEA 2:13

LaKuhukkungi lanri napakei allo-alloa untu' attunu dupa mae ri Rewata Baal, kammayatompa namodei kalenna siagang belo-belo untu' angngondangi sikamma tanring-tanrinna, nampa nakaluppai taba sikaliMa'. INakke, Batara, anne akkana.”

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

KAIMANGNGANG 18:25

Le'baki nagaukang ngaseng ke'nanga panggaukang appakaringi'-ringi' kammaya anjo, sa'genna a'jari ra'masa' pa'rasanganna ke'nanga. Jari nihukkummi ke'nanga ri Batara siagang tenamo nanipa'biang ke'nanga ammantang anjoreng. Mingka ikau ngaseng, tea' laloko gaukangngi panggaukang-panggaukang kammaya anjo. Ikau ngaseng tu Israelka siagang bansa maraeng ammantang tulia siagang ikau, musti nuturuki paratoranNa siagang parentaNa Batara,

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

PAOLE 32:43

Makkio' rannuko lanri umma'Na Batara, e, sikamma bansaya, nasaba' Nahukkungi sikontu tau ambunoai ke'nanga. A'balasaki mae ri musunNa mingka Napammopporangi dosana bansaNa.”