YEREMIA 5:15 - KITTA' MATANGKASA'

¹⁵ He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEREMIA 5:15 ပူးပေါင်းရင်းမြစ်များ

PA'JARIANG 11:7

Bajikangngang naungki' nanipasisala-sala bahasana ke'nanga sollanna takkullea sipahang ke'nanga.”

PAMMUJI 81:5

Saba' kammai anjo paratoranga ri Israel, se're parenta battu ri Allata'alana Yakub.

YESAYA 28:11

Punna tena ngaseng nuero' ampilangngeria', lania' tau maraeng laNasuro Batara untu' angngajarakko bicara maraeng, julea nulangngere'.

YESAYA 29:3

LaNabunduki Allata'ala anjo kotaya siagang laNatammulili battu ri kabusu'na kabattuanga.

YESAYA 29:6

LaNapakabebasaki Batara Kaminang Makoasaya anjo kotaya siagang anging lompo kammayatompa Napata'ge'goso' lompoi buttaya. Lappabattui anging kancang siagang pepe' a'jalloka rinrana.

YESAYA 33:19

Tenamo nulaccini' bansa maraeng tenaya nangngasseng atorang, a'bicaraya lalang bicara tena nupahangi.

YESAYA 39:3

Nampa battumo Na'bi Yesaya andallekang siagang akkuta'nang ri Karaeng Hizkia angkana, “Battu kemae ngasengi anjo taua? Apa nakana ke'nanga?” Appialimi Hizkia angkana, “Battu ri Babel ke'nanga, pa'rasangang bella.”

YESAYA 5:26

LaNakioki Batara bansa bellaya na labattu ke'nanga linta'!

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEREMIA 1:15

LaKusuroi sikontu bansaya ri bageang wara' battu angkoasai Yerusalem. Sikamma tembo'-tembo' niaka ri tammulilina anne kotaya siagang sikamma pakke'bu' lompona kammayatompa sikontu kota-kotaya ri Yehuda lanaalle ngasengi ke'nanga.

YEREMIA 2:26

Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 4:16

Napakaingaki ke'nanga bansa-bansaya siagang napabattuangi pandudu'na Yerusalem angkanaya nia'mi battu bella mae musua. La'gora-gorai ke'nanga ero' ambunduki kota-kota Yehuda

YEREMIA 5:11

Nabaliang tojeng-tojemMa' umma' Israel siagang Yehuda. INakke, Batara, anne akkana.”

YEREMIA 6:22

Nakana Batara, “Nia' bansa kassa' a'gio' battu wara' ri pa'rasangang bella. Battui mae ke'nanga untu' a'bundu'.

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

DANIEL 7:7

Lalang kuparhatikanna anjo, nia'mo ammumba olo'-olo' makaappa'. Sanna' kassa'na siagang heba'na, kammayatompa appakamalla'-mallaki nicini'. Gigi-giginna lompoi siagang kassaki kamma bassi; iaminjo napake angkokkoki siagang allicaki apa-apaya, nampa naonjo'-onjokang sesanna. Sisalai siagang anjo olo'-olo' rioloangannaya, nasaba' ia sampuloi tanru'na.

AMOS 6:14

KalenNa Batara Kaminang Tinggia siagang Kaminang Koasaya angkana, “He umma' Israel, lakkiringA' tantara battu ri se'reang bansa maraeng untu' ambunduki pa'rasangannu. Lanajallakkang ngasengko appakkaramula battu ri agang mangea ri Hamat wara' sa'genna Ka'bung Araba timboro'.”

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

1 KORINTUS 14:21

Nia' tattulisi' lalang ri Kittaka angkanaya, “Nakana Batara, ‘Tete ri sikamma tau a'bicaraya siagang bicara appakalannasa', erokKa' a'bicara mae ri anne ummaka. Ba'lalo, tete ri bansa-bansa maraenga, erokKa' a'bicara mae ri ummakKu; mingka manna nakamma, taerokai ke'nanga allangngereki kana-kanangKu.’ ”

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.