YEREMIA 5:13 - KITTA' MATANGKASA'

¹³ Pare' mami anging anjo na'bi-na'bia, nasaba' tenai ri ke'nanga pasanNa Batara.”

YEREMIA 5:13 ပူးပေါင်းရင်းမြစ်များ

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

AYUB 6:26

Sikontu kana-kanangku nupare' anginji bawang; tena matu-matunnu ampialia' anne, tau tappu' minasayamo.

PANGNGEBARANG 25:14

Janji-janji tanirupaia, sanrapangi rammang siagang anging tamappaturunga bosi.

YESAYA 41:29

Tojeng, anjo rewata-rewataya tena matu-matunna, patung nipare'ji ke'nanga, tenaya kullena, tenaya nakkulle appare' apa-apa.”

YEREMIA 14:13

Nampa kukanamo, “O Batara Kaminang Tinggia, Kiassengi angkanaya le'ba'mi na'bi-na'bia akkana mae ri ra'yaka angkanaya tena nalania' pa'bundukang yareka kacipurang lanri le'ba'maKi' a'janji angkanaya tuli lania'na kaamangngang anrinni ri pa'rasanganga.”

YEREMIA 14:15

Napaui lalang arengKu ke'nanga angkanaya anne pa'rasanganga tena nalanituju ri pa'bundukang yareka kacipurang, padahala' tena naKusuroi ke'nanga akkana kamma anjo. INakke, Batara, Kupauangko, Yeremia, apa laKugaukanga mae ri anjo na'bi-na'bi tenaya naKusuroi. LaKubunoi ke'nanga lanri pa'bundukang siagang kacipurang.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 22:22

Lanri kammana anjo sikamma pamimpinnu lalanynyaki rapang nitui' ri anging. Sikamma agang-agannu laniengkaki salaku tau nitahang, kammayatompa kotanu lanihinai siagang nipakasiriki passabakkang sikontu kaja'dallannu.

YEREMIA 28:3

Lalang wattu ruan taunga anne labattua laKupoterangi barang-barang battua ri BallakKu, ia le'baka niengka' mange ri Babel ri Karaeng Nebukadnezar.

YEREMIA 43:2

Nampa Azarya ana'na Hosaya siagang Yohanan ana'na Kareah kammayatompa sikontu tau maraeng tampoa ngaseng, nakana ri nakke, “A'balle-balleko. Tena Nasuroko Karaeng Allata'alana ikambe ampisangkai ikambe untu' a'lampa mange ammantang ri Mesir.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.