YEREMIA 5:1 - KITTA' MATANGKASA'

¹ He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

YEREMIA 5:1 ပူးပေါင်းရင်းမြစ်များ

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

PAMMUJI 12:1

Untu' pamimping pakelong. Situru' lagu makasagantuju. Pammujina Daud.

PAMMUJI 14:2

Battu ri suruga Naciniki Batara umma' rupataua untu' amboyai tau annabaya siagang anynyombaya ri Ia.

PAMMUJI 14:3

Mingka sikontu taua sala gau' ngasemmi siagang panra'mi, manna sitau tania' a'gau' baji'.

PAMMUJI 94:16

Inai angngalleia' battu ri tau dorakaya? Inai angngagangnganga' angngewai tau a'gau' ja'dalaka?

PANGNGEBARANG 20:6

Jai tau nakana kalenna agang, mingka tau tenaya tojeng pamminrana, sukkaraki nigappa.

PANGNGEBARANG 23:23

Ajarang annabaya, kacara'dekang, pangngajara', siagang pammahang, yangasenna anjo siratangi niballi, mingka tena nasiapa anggaranna lanibalukang.

PANGNGEBARANG 8:3

Ri pakke'bu' lompoa, ri oloang antamaka ri kotaya, anjorengi kalangngerang sa'ranna, angkana,

KELONG MALA'BIRI' 3:2

Eroka' ambangung na kua'lampa akkuliling kota, anjappai sikontu aganga siagang loronga. Eroka' amboyai tu ta'dongkoka ri atingku; kuboyai, mingka sia-siaji bawang.

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

YEREMIA 2:29

Apa tena nungaiangA' sa'gengKu nubaliang?

YEREMIA 44:15

Nampa battumo tau jai sikalia mae ri nakke, iamintu tu bura'ne naassenga angkanaya tubai'-bainena assarei koro'bang mae ri rewataya, siagang sikontu tubaine niaka ammenteng anjoreng, kammayatompa tu Israel ammantanga ri Patros, bageang timboro'na Mesir. Nakana ke'nanga ri nakke,

YEREMIA 8:6

Kupilangngerimi baji'-baji', mingka tena nu'bicara ri siratannaya. Tena manna sitau battu ri kau assesse' lalang lanri panggaukang ja'dala'na. Tena nia' angkana, ‘Apa kasalangku?’ Yangasengko poro amminawangko ri oloang pangngainnu rapang jarang a'bakkaya antama' ri pa'bundukanga.

YEREMIA 9:2

Ka'de' kukkulle anggappa ri parang luara' pa'bangngiang untu' tau lalang pa'jappang! Lakubokoi bansaku, kulari mange anjoreng untu' ampakabellai kalengku battu ri ke'nanga. Tau pabali' ballang ngasengi ke'nanga, passe'reang tau tenaya namajarre' pa'mai'na,

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

YO"EL 2:9

A'bakkai ke'nanga antama ri kotaya, nampa lari rate ri tembo'na. Angngambiki ke'nanga antama' ri sikamma ballaka; rapang palukka', antamaki ke'nanga battu ri jandelaya.

AMOS 8:12

La'lampai taua timboro' wara' anrai' kalau' untu' amboyai pasangKu, mingka tanagappayai ke'nanga.

ZAKHARIA 2:4

Nakana malaeka' makase'rea mae ri malaeka' makaruaya, “A'lampako linta' mange ri anjo tau rungkaya, siagang pauangi angkanaya lateai sipato' rassina kota Yerusalem napakamma tau siagang olo'-olo' niparakai, sa'genna tena olona lakkulle nibangung tembo' pakkallika ri tammulilina.

LUKAS 14:21

Jari ammotere'mi anjo palayanga ampauangi karaenna angkanaya takkulleai ke'nanga battu. Sanna'mi larrona anjo karaenga. Nampa nakanamo ri palayanna, ‘A'lampako linta' mange ri agang-agang lompoa siagang ri agang-agang sepe'-sepeka ri kotaya. Kioki siagang erangi mae anrinni tau kasi-asia, tau sala-salanga, tau butaya, siagang tau pesoka.’

2 TESALONIKA 2:10

Lanapakei sikamma akkala' patipu kaja'dallanga sollanna akkulle napakalingu sikamma tau langgappaya kapanrakang. Lapanraki ke'nanga lanri tenana naero' antarimai siagang tenana nangai biritta katojengang battua ri Allata'ala, akkullea ampasalamaki ke'nanga.