Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEREMIA 49:2 - KITTA' MATANGKASA'

2 Mingka lanarapiki sallang wattunna nalaKupilangngeriang pandudu'na Raba, ibukotana anjo Amon, iamintu sa'ra-sa'ra pakkio' pa'bundukang. Anjo kotaya la'jari rumbangngangi siagang desa-desa niaka ri tammulilina lala'busuki nakanre pepe'. Nampa Israel lanaallei ammotere' buttana battu ri tau le'baka riolo angngalle passai.

အခန်းကိုကြည့်ပါ။ ကော်ပီ




YEREMIA 49:2
22 ပူးပေါင်းရင်းမြစ်များ  

Biasana wattu accu'la'na leko'-leko' kayua namaju sikamma karaenga a'bundu'. Na ri wattu accu'la'na leko'-leko' kayua anjo taunga nasuromi Daud anjo Yoab maju a'bundu' siagang ngaseng sikamma perwiraya siagang sikontu tantara Israel; nampa nabetamo ke'nanga tu Amon siagang nakurummi kota Raba. Mingka Daud ammantangi ri Yerusalem.


Masahoroki arenTa siagang nipuji ri sikontu linoa, ammarentaKi' siagang adele'.


Sannangi pa'mai'na pandudu'na Sion siagang kota-kota Yehuda ri wattu nalangngere'na kaputusanNa Batara.


Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.


Nakana Batara, “Tenamo nala'jari kota anjo Damsyik, mingka la'jari pannambungang loro mami.


Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.


Iaminne kananNa Batara ri sesena Amon, angkana, “Angngapai nabuttana suku Gad niallei siagang nipammantangngi ri tau anynyombaya ri Rewata Milkom? Apaka tenamo tu Israel akkulle angngallei anjo daeraya?


Nampa mae ri karaeng Israel Kukana, ‘He karaeng ja'dalaka siagang dorakaya! A'reppese'mi wattu hukkungannu kala'busanga.


Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.


Lanaempoi tu Yehuda timboranga pa'rasangang Edom. Sikamma tau battua ri pa'moncongang bageang ilauka lanabetai daera Filistin. Suku Benyamin lanaempoi Gilead, siagang Israel ummakKu lakoasai sikontu Efraim siagang Samaria.


Na punna a'bundukko ri pa'rasangannu untu' ampartahangkangi kalennu mae ri musu battua ambundukiko, tuiki anjo tarompe'-tarompeka. Na iNakke, Karaeng Allata'alanu, labattu antulungko siagang ampasalamakko battu ri musu-musunnu.


Lanri kammana anjo naalle ngasemmi tu Israel sikontu kota-kotana tu Amori, kammayatompa Hesybon siagang sikontu kota-kota ca'di niaka ri tammulilina, nampa ammantang tulimo ke'nanga anjoreng.


Sikontu barang-baranna pandudu'na anjo kotaya musti nipasse'rei siagang nitambungi ri paranga, nampa anjo kotaya siagang sikamma barang-baranna musti nitunui a'jari koro'bang mae ri Karaeng Allata'alanu. Le'baki anjo musti nibokoi a'jari ancuru' siagang takkulleai nibangung poleang.


Anjo Karaeng Og iami karaeng kala'busanga ri tu Refaim. Patti maya'na iamintu batu nipare'; la'buna appa' metere' na sangkara'na a'biringi rua metere' situru' siagang ukkurang le'baka nipattantu. Sa'genna kamma-kamma anne akkulle iji nicini' ri Raba, kotana tu Amon.)


Ilalang ri anjo daerana suku Isakhar siagang suku Asyer nia' buttana suku Manasye, iamintu: Bet-Sean siagang Yibleam kammayatompa desa-desa niaka ri tammulilina. Kammayatompa: Dor (kota niaka ri biring tamparang), En-Dor, Taanakh, Megido siagang desa-desa niaka ri tammulilina.


Appialimi anjo turunganna Yusuf angkana, “Tanggannakkai luara'na anjo daera pa'monconganga untu' ikambe, nampa anjo bansa Kanaan niaka ammantang ri lappara'-lappara' rawaya jai kareta bundu'na, bassia nipare', baji' niaka ammantang ri Bet-Sean siagang desa-desa niaka ri tammulilina, kammayatompa niaka ammantang ri Ka'bung Yizreel.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ