YEREMIA 48:3 - KITTA' MATANGKASA'

³ Pilangngeri! Pandudu'na Horonaim ammarrangi angkana, ‘Kapanrakang! Kaancurang!’

YEREMIA 48:3 ပူးပေါင်းရင်းမြစ်များ

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YESAYA 15:5

Kukamaseangi Moab! Pandudu'na a'lette'mi mange ri kota Zoar siagang Eglat-Selisia. Nia' angngambi' ri oloang mangea ri Luhit nampa angngarru'; nia' lari mange ri Horonaim nampa ammarrang-marrang natuju bala.

YESAYA 15:8

Kemae-kemae ri pa'baeng-baenna Moab nia' kalangngerang sa'ra tau ammarrang. Piraunga kalangngerangi ri Eglaim siagang Beer-Elim.

YESAYA 22:4

Teako nakke nuparhatikang; boli'ma' kamma nakukarruki sikamma bansaku mateamo. Teako cobai ansaleoria'.

YEREMIA 20:16

Boli'mi kamma anjo angngeranga kabara' a'jari sangkamma anjo kota-kota niancuruka tanikamaseang ri Batara. Boli'mi kamma allangngere' tau ammarrang napakamma pa'risi' ri wattu bari'basa', siagang sa'ra ammarrang ri pa'bundukang ri tangngana alloa.

YEREMIA 47:2

Nakana Batara, “Ciniki, assolongi je'neka battu wara' siagang allumpai sangkamma binanga a'baya antujui pa'rasanganga siagang bonena, kota-kotaya siagang pandudu'na. Lammarrangi taua appala' tulung siagang sikontu ra'yaka appiraungi.

YEREMIA 48:34

Tu Hesybon siagang tu Eleale angngarruki, nakalangngerang karru'na sa'genna mange ri Yahas, siagang kalangngerang tongi mae ri tau battua ri Zoar sa'genna mange ri Horonaim siagang Eglat-Selisia. Angngarruki ke'nanga lanri manna je'neka ri pangkana Binanga Nimrim kalotoro' ngasemmi.

YEREMIA 48:4

Ancuru'mi Moab! Sa'ra karru' ana'-ana' ca'dina kalangngerangi sa'genna mange ri Zoar.

YEREMIA 48:5

Pilangngeri sa'ra karru' ri oloang naika ri Luhit, siagang sa'ra piraunga ri oloang naunga ri Horonaim.

YEREMIA 51:54

Nakana Batara, “Pilangngeri! Ri Babel lammarrangi siagang langngarruki taua napakamma si'na lanri kaancurang kajarianga ri anjo pa'rasanganga.