YEREMIA 47:5 - KITTA' MATANGKASA'

⁵ Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

YEREMIA 47:5 ပူးပေါင်းရင်းမြစ်များ

1 KARAENG-KARAENG 18:28

Pila' lompomi sa'ranna appala' doang anjo na'bi-na'bia. Siagang kamma biasaya nagaukang ke'nanga, nae'ba'-e'ba'mi kalenna ke'nanga siagang pa'dang yareka poke sa'genna ammatti'-matti'mo cera'na ke'nanga.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

YEREMIA 16:1

A'bicarami pole Batara ri nakke, angkana,

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

YEREMIA 41:5

nia'mo tau sagantujupulo battu ri Sikhem, Silo, siagang Samaria. Le'baki nacukkuru' janggo'na ke'nanga, nakae-kae pakeanna, siagang nakere'-kere' kalenna ke'nanga. Angngerangi ke'nanga gandung siagang kamanynyang untu' napassareang ri Balla'Na Batara.

YEREMIA 47:1

Ri tenanapa nabunduki karaeng Mesir anjo kota Gaza, a'bicarai Batara ri nakke, ri sesena pa'rasangang Filistin.

YEREMIA 47:4

Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

YEHEZKIEL 25:16

Lanri kammana anjo laKupa'la'bangi Kupau angkanaya iNakke lambunduki tu Filistin siagang ampanraki ke'nanga. Sikamma niaka tassesa ri daera pa'birinna Filistin laKubunoi.

YEHEZKIEL 7:18

Lammakei ke'nanga kaeng karung siagang lannekkereki sibatu kale. Lanigondoloki ulunna ke'nanga siagang lanipakasiriki ke'nanga.

KAIMANGNGANG 19:28

Teako cacaki bukkulennu untu' appare' pammatei yareka bokkaki kalennu a'jari pammatei ri kasusannu lanri kamateangko. INakke Batara.

KAIMANGNGANG 21:5

Se'rea imang takkulleai nagondolo' sipa'gang ulunna siagang takkulleai nacukkuru' janggo'na yareka naloko'-lokoki kalenna siagang bassi tarang lanri ero'na napappiassengang angkanaya natujui susa kamateang.

MIKHA 1:16

He tu Yehuda, polongi uu'nu salaku tanra susa mae ri ana'-ana'nu nukamaseanga. Cukkuruki ulunnu sa'genna a'gondolo' rapang jangang-jangang pakanre bakkea, nasaba' laniengkaki ana'-ana'nu mange ri butta pammelakkanga.

MARKUS 5:5

Allo bangngi tuli a'jappa siagang akkiok-kio' ri pa'jerakkanga siagang ri bulu'-buluka, na naloko'-lokoki kalenna ri batua.

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

HAKING-HAKING 1:18

Nitulummi tu Yehudaya sa'genna akkulle nabeta passa daera niaka ri moncong-monconga. Mingka takkulleai nabeta ke'nanga kota Gaza, Askelon, yareka pole Ekron siagang sikamma daera niaka ri tammulilina. Saba'na kaanjo bansa-bansa niaka ri biring tamparanga nia'mo kareta-kareta bassina, untu' napake a'bundu'. Jari takkulleai tu Yehudaya angngondangi ke'nanga.