YEREMIA 47:3 - KITTA' MATANGKASA'

³ Lallangngereki ke'nanga sa'ra bangkeng jarang, sa'ra reku'na karetaya, siagang a'galutturu'na roda-rodana. Tau toaya la'jari lammai, natenamo nanawa-nawai ana'na.

YEREMIA 47:3 ပူးပေါင်းရင်းမြစ်များ

YESAYA 5:28

Ciduki ana' panana na sadiamo anrong panana ero' appabuccu'. Kanuku jaranna kamma batu pepe' terasa'na, siagang roda karetana tapputaraki rapang anging puttusu'.

YEREMIA 46:9

A'lumbako, he jarang! A'giokko, he kareta! Majuko, he tubarani angngeranga pannahang, battua ri Sudan siagang Libia. Kamma todong ikau, he sikamma tucara'deka ammake sanjata pana, battua ri pa'rasangang Lidia.’ ”

YEREMIA 50:42

Sanjatana ke'nanga iamintu pana siagang poke; pallaki natangngassenga appammopporang. Rapang sa'ra tamparang a'gamarrung kammami anjo sa'ra bangkeng jaranna ke'nanga nipalaria maju ambunduki Babel.

YEREMIA 8:16

Nia'mi musua ri kota Dan; kalangngerammi sa'ra jaranna ke'nanga, na sikontu bonena pa'rasanganga a'jari malla' ngasemmi. Battumi musua untu' angngancuruki sikontu pa'rasanganta, kammayatompa sikontu kota-kotata siagang sikontu pandudu'na.”

YEHEZKIEL 23:24

Lanabundukiko ke'nanga battu wara' siagang tantara lompo, kareta-kareta pa'bundukang siagang kareta-kareta angngeranga bokong. Ammakei ke'nanga pannangkisi' siagang topi baja, nabattu ke'nanga ankurungko. LaKulappassangi ke'nanga angngadeliko situru' hukkung-hukkunna todong ke'nanga.

NAHUM 2:4

Ri aganga, lacciriki maju kareta-karetaya. Siondang-ondangi ke'nanga ri paranga. Kontui nicini' sulo a'rinra-rinraya, a'gassingang lari rapang kila'.

NAHUM 2:8

Tassimbungi lari ra'ya' Niniwe, rapang je'ne' assuluka battu ri tingkasa' rumbanga. Nia' sa'ra akkio' angkana, “Ammantangko! Ammantangko!” mingka tena nia' ero' ammotere'.

PAPPICINI' 9:9

Barambanna ke'nanga nilapakki apa-apa sangkammaya baju bassi. Sa'ra ka'nyi'na sangkammai sa'ra kareta nibesoka ri jarang, sannaka jaina maju lalang ri pa'bundukanga.

HAKING-HAKING 5:22

Gassingi larinu ikau jarang nibaea ri taunna.