YEREMIA 43:9 - KITTA' MATANGKASA'

⁹ “Angngalleko batu-batu lompo, siagang lamungangi lalang ri buttaya ri dallekang pakke'bu' antamaya ri bangunang pamarentana anjo kotaya. Usahakangi sollanna nacinikko tu Yehuda anggaukangi anjo kammaya.

YEREMIA 43:9 ပူးပေါင်းရင်းမြစ်များ

2 SAMUEL 12:31

Pantaranganna anjo nierammi pandudu'na, siagang nisuroi angngerang garagaji, bingkung bassi, pangkulu' bassi, nampa nipajama ke'nanga ri tampa' papparekang batu bataya. Kamma tomminjo nagaukang mae ri pandudu'na kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

KALAPPASSANG 1:14

siagang nasusaimi katallassanna anjo tu Israelka. Tena sikalimo pangngamaseanna anjo tu Mesir ampassai tu Israel anjama terasa' ri sikamma usaha bangunanga siagang panjama-jamang ri sikamma kokoa.

YEREMIA 25:19

Iaminne areng-arenna sikamma tau mustia angnginung battu ri anjo kaca pangnginungang anggoro'Na Batara: karaeng Mesir siagang sikamma pagawena kammayatompa tunna'galaka jabatang; sikontu tu Mesir siagang bansa maraeng niaka ammantang ri Mesir; sikontu karaenga ri pa'rasangang Us; sikontu karaenga ri kota-kota Filistin ri Askelon, Gaza, Ekron; sikontu tau attallasaka ija ri Asdod; sikontu tu Edom, Moab, siagang Amon; sikontu karaenga ri Tirus siagang Sidon; sikontu karaenga ri birinna Tamparang Tangngaya; kota-kota Dedan, Tema, siagang Bus; sikontu tau ancukkuru' bodoai uu'na; sikontu karaeng Arab; sikontu karaeng suku-suku campurang ammantanga ri parang lompoa; sikontu karaenga ri Zimri, Elam, siagang Madai; sikontu karaenga wara', bellaya siagang ambania, tunggala' taua. Sikontu bansa ri sikontu tompo'na buttaya musti nainungi anjo anggoroka. Na tau kala'busanga musti angnginungi anjo anggoroka iamintu karaeng Babel.

YEREMIA 43:10

Nampa nupau mae ri ke'nanga angkana iNakke, Batara Kaminang Koasaya, iamintu Allata'alana Israel, laKupabattui atangKu Nebukadnezar karaeng Babel, mae anrinni ri tampaka. Siagang anjoreng ri rateanna batu-batu Kulamunga lalang ri anjo buttaya, lanapaentengi empoang kakaraenganna siagang napaka'rang kema kakaraenganna.

YEREMIA 43:8

Anjoreng Nakanamo Batara ri nakke,

YEREMIA 44:30

Hofra, karaeng Mesir laKupassareangi mae ri musu-musunna eroka ambunoi, sangkamma batena Kupassareang Zedekia karaeng Yehuda mae ri Nebukadnezar karaeng Babel, musunna eroka ambunoi.”

YEHEZKIEL 4:1

Nakana Allata'ala, “He tau, angngalleko se're batu bata, padongkoki ri dallekannu siagang gambaraki rate gambara'na kota Yerusalem.

HOSEA 12:10

Mingka iNakke, Karaeng Allata'alanu, le'baka angngerang ngasengko assulu' battu ri Mesir, laKupammantangko pole ri kema-kemaya sangkamma riolo, ri wattungKu battu mae ri kau ri parang lompoa.

NAHUM 3:14

Anynye'ro' mako je'ne' untu' nupasadia lalang siapa sallonu nikurung, siagang pakkassakammi sikamma tembo'-tembo' pattahangannu! Onjo'-onjokammi peoka untu' appare' batu eja, siagang pasadiami sikamma kataranna!

LAMPA-LAMPANA 21:11

Battui mae ri kambe nampa naalle passikko' aya'na Paulus. Napakemi anjo passikko' ayaka ansikkoki lima kalenna siagang bangkeng kalenna nampa nakana, “Iaminne Napaua RohNa Allata'ala: Anne patanna passikko' ayaka lanisikko' kammaminne ri tu Yahudia ri Yerusalem, nampa nipassareang mae ri bansa maraenga.”

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.