YEREMIA 42:5 - KITTA' MATANGKASA'

^5-6 Nakana ke'nanga ri nakke, “Napalaki ikambe ri katte sollanta appala' doang ri Karaeng Allata'alata, lanri eroki ikambe mannuruki ri Ia, sollanna a'jari baji' katallassanna ikambe. Jari, baji' yareka kodi anjo pasanNa Batara, lamannuruki ikambe ri Ia. Boli'mi kamma Batara a'jari sa'bi malambusu' siagang tamamminraya mae ri kambe, punna tena naturuki ikambe sikontu parenta Napassareanga Batara mae ri kambe tete ri katte bapa'.”

YEREMIA 42:5 ပူးပေါင်းရင်းမြစ်များ

PA'JARIANG 31:50

Nakanamo pole Laban, “Punna a'gau' kodiko mae ri ana'-anakku, yareka a'buntingko baine maraeng, manna pole tena naassengi taua, u'rangi angkanaya Najannangngiki' Allata'ala.

KALAPPASSANG 20:19

Nakanamo ke'nanga ri Musa, “Ikaumo a'bicara mae ri kambe, nalanapilangngeri ikambe. Teami na Allata'ala a'bicara mae ri kambe, gassingka mateji ikambe.”

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

YEREMIA 43:2

Nampa Azarya ana'na Hosaya siagang Yohanan ana'na Kareah kammayatompa sikontu tau maraeng tampoa ngaseng, nakana ri nakke, “A'balle-balleko. Tena Nasuroko Karaeng Allata'alana ikambe ampisangkai ikambe untu' a'lampa mange ammantang ri Mesir.

YEREMIA 43:4

Baji' Yohanan kammayatompa sikontu perwiraya siagang ra'yaka taerokai anturuki parentaNa Batara untu' ammantang ri Yehuda.

YEREMIA 5:2

Nukana kalennu anynyombako mae ri Batara, nampa takammayaja anjo pattujunnu.

MIKHA 1:2

Pilangngeri, he sikamma bansa-bansaya! Parhatikangi, he pandudu'na sikontu linoa! Niaki battu Batara Kaminang Tinggia salaku sa'bi ambaliang ngasengko! Pilangngerimi a'bicara battu ri Balla' matangkasa'Na ri suruga.

MALEAKHI 2:14

Akkuta'nangko angkana angngapa Nataeroka antarimai. Lanri Naassenna Batara angkanaya tena najarre' pa'mai'nu mae ri baine nunikkaiya ri wattu rungkanu. Anjo bainea julu tallasa'nu, mingka amminrami pa'mai'nu mae ri ia, manna pole le'ba' mako para a'janji ri dallekanNa Allata'ala latuli majarre' mae ri ia.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

ROMA 1:9

Punna appala' doanga' tuli kuu'ranginnu ngaseng. Allata'alami a'jari sa'bingku ma'nassana kammatojeng anne kukanaya. Iami Allata'ala kusombaya siagang sikontu pa'maikku, iamintu kupa'la'bangi Kabara' Bajika ri passala'na Ana'Na.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.

HAKING-HAKING 11:10

Appialimi ke'nanga angkana, “Situju ngasengi kambe. Batara a'jari sa'bi.”

1 SAMUEL 12:5

Nampa nakanamo Samuel, “Anne alloa, Batara siagang karaeng Napilea a'jari sa'bi angkanaya ma'nassa tena salangku manna pole sike'de'.” Appialimi ke'nanga angkana, “Iyo', kammatojengi, Batara a'jari sa'binta.”

1 SAMUEL 20:42

Nampa nakanamo Yonatan ri Daud, “Tapporo Natulung laloko Allata'ala. LaNajamingi Batara angkanaya ikatte siagang turunganta tuli lanata'gala' jarreki parjanjianta sipa'rua ri dallekanNa Allata'ala.” Le'baki anjo a'lampami Daud, nampa a'lampa tommo Yonatan ammotere' mange ri kotaya.