YEREMIA 42:10 - KITTA' MATANGKASA'

¹⁰ ‘Punna erokko tuli ammantang anrinni ri pa'rasanganga, laKuangkakko, tena nalaKutu'gurangko; laKupaentengko nai', tena nalaKura'bako. Sanna' si'nana nyawaKu lanri Kupabattuna balaya mae ri kau.

YEREMIA 42:10 ပူးပေါင်းရင်းမြစ်များ

YEHEZKIEL 36:36

Jari bansa-bansa singngampi'na ia niaka ija, lanaassemmi angkanaya iNakke, Batara, le'ba' ambangungi ammotere' kota-kota ancuruka, siagang anjamai ammotere' sikamma koko rosoka. INakke, Batara anne a'bicara, siagang mattantui laKupa'rupana kanangKu.”

YEREMIA 31:28

Kamma riolo Kujagai ke'nanga sollanna sallang Kubi'buki, Kuruntungi siagang Kuancuruki ke'nanga, kamma tomminjo laKujagai ke'nanga sollanna Kubangung siagang Kupakajarre' ke'nanga ammotere'.

YEREMIA 24:6

LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

AMOS 7:6

Napinrami pole rancanaNa Batara siagang Nakana, “Anne pole tena todong nalakajariang.”

YEREMIA 33:7

Yehuda siagang Israel laKupa'jari porei sangkamma riolo siagang lammentengi ammotere' salaku ummakKu.

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.

AMOS 7:3

Napinrami rancanaNa Batara siagang Nakana, “Anjo apa nucinika tena nalakajariang.”

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

LAMPA-LAMPANA 15:16

Nakana Batara, ‘Le'baki anjo labattu poleangA', laKupabangung poleangi balla'na Daud, le'baka rumbang laKupakabajiki ri rumbanna, nampa Kupaenteng poleang;

YEREMIA 26:19

Mingka Karaeng Hizkia siagang tu Yehuda tena nabunoi Na'bi Mikha. Ba'lalo malla'mi Hizkia mae ri Batara siagang napala'mi sollanna nanikamaseang. Jari taNapa'jariami Batara anjo ero'Na untu' ampabattui cilakaia mae ri ke'nanga. Na kamma-kamma anne, sike'de' mamaki' anne appabattu cilaka lompo mae ri kalenta.”

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

PAMMUJI 102:16

KoasaNa Batara lanikamallakkangi ri sikontu bansa-bansa; kalompoanna lanikangalikangi ri sikontu karaenga,

PAMMUJI 69:35

Pujimi Allata'ala, he langika siagang linoa, tamparanga siagang sikontu apa-apa niaka ilalanna.

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

2 SAMUEL 24:16

Anjo malaeka'Na Batara angngeranga bala kamateang anrapi'mi mange ri tampa' panggilingang gandunna Arauna, tu Yebus. Ri wattunna Nacini' Batara angkanaya sadiami anjo malaekaka untu' amputtai Yerusalem, Napinrami Batara kaputusanNa, siagang ammari anghukkungi anjo bansaya. Nakana ri anjo malaekaka, “Ganna'mi! Ammari mako!”

HAKING-HAKING 2:18

Punna nia' Napassareang Batara se're pamimping mae ri bansa Israelka tuli Natulummi Batara anjo pamimpinga. Na lalang ri tallasa'na anjo pamimpinga, tuli nilappassanna ke'nanga battu ri musu-musunna. Mangngamaseangi mae ri ke'nanga punna Nalangngere' ke'nanga akkunrareng lanri nisessana siagang nijallakkanna ke'nanga.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

YEREMIA 27:11

Mingka bansa eroka tundu' siagang a'jari ata mae ri karaeng Babel laKulappassangi ammantang ri butta passolongang cera' kalenna, siagang a'lamung-lamung anjoreng. INakke, Batara anne akkana.”

YEREMIA 43:4

Baji' Yohanan kammayatompa sikontu perwiraya siagang ra'yaka taerokai anturuki parentaNa Batara untu' ammantang ri Yehuda.

YUNUS 3:4

Antama'mi Yunus ri anjo kotaya, na le'baki a'jappa siallo bujuru', appakkaramulami akkato'ba nakana, “Patampulo allopi, nalaancuru' Niniwe!”